Kali ad telenavinaŭ śnieh vypadaje ŭ asadak,
choć mała chto sumniavaŭsia ŭ prahnozach na hety kont;
kali metrapaliten pracuje bieź pierasadak,
a niechta pa televizary ratuje ŭłasny azadak
z ekrana la domu z nadpisam HARYZONT;
kali šmat tysiač mabilnikaŭ razam ličać hadziny,
tym bolej ad ich na płoščy nijakaj inšaj karyści —
stajać i čakać svabody, bo vybar ciapier adziny,
u vielkim i bardza pažondnym — chto b tam ni tryndzieŭ! — tavarystvie;
abuć na try pary škarpetak ciaplejšyja boty,
na złość chałodnaj vajnie j atmasfernamu frontu,
bo vybar ciapier adziny — stajać i čakać svabody —
ad leśvicy ŭ styli ampir da samaha HARYZONTU.
Fota Julii Daraškievič
0
0
0
0
0
0
