Embraer абмеркавала з «Белавіяй» план мадэрнізацыі беларускага авіяпарку
Вядомы вытворца грамадзянскіх самалётаў бразільская кампанія Embraer абмеркавала з гендырэктарам «Белавіі» план мадэрнізацыі беларускага авіяпарку.
Як паведаміла прэс-служба Міністэрства транспарту і камунікацый, 8 студзеня 2013 адбыўся візіт дэлегацыі аднаго з найбуйнейшых сусветных вытворцаў грамадзянскіх самалётаў кампаніі Embraer у Беларусь на чале з прэзідэнтам Паўлу Сезарам ды Соўзы-і-Сілвам.
Падчас перамоваў у галаўным офісе «Белавіі» прэзідэнт Embraer абмеркаваў з генеральным дырэктарам «Белавіі» Анатолем Гусаравым вынікі эксплуатацыі самалётаў Embraer-175, якія прыбылі ў Беларусь у верасні і кастрычніку мінулага года. Былі разгледжаныя планы мадэрнізацыі паветранага парка беларускага авіяперавозчыка за кошт самых сучасных паветраных судоў серыі E-Jet бразільскага авіявытворцы.
Таксама ў Дэпартаменце па авіяцыі Мінтранса прайшла сустрэча выканаўцы абавязкаў дырэктара дэпартамента Уладзіміра Косціна і дэлегацыі бразільскай кампаніі, на якой бакі абмеркавалі перспектывы далейшага супрацоўніцтва рэспублікі з адным з найбуйнейшых вытворцаў паветраных судоў.
