І дадаткова далі 20 базавых велічынь штрафу.
Сёньня ў Баранавіцкім раённым судзе быў пакараны адміністрацыйным арыштам і штрафам моладзевы лідэр Павал Севярынец. Ён быў затрыманы раніцай ля суду, у якім судзяць Яраслава Грышчэню.
Паўлу інкрымінавалі парушэньне трох пунткаў адміністрацыйнага кодэксу: дробнае хуліганства («сьвістаў у сьвісток», паводле словаў супрацоўнікаў міліцыі), яго таксама абвінавацілі ў арганізацыі несанцыянаванага пікетаваньня пад будынкам суда і супраціве міліцыі.
Такім чынам Павал Севярынец асуджаны на 17 сутак: двое сутак далі за «сьвісток», 15 — за арганізацыю несанкцыянаванай акцыі. Пакаралі таксама штрафам у 20 базавых велічыняў (620 тыс. рублёў) — за супраціў міліцыі.
Нагадаем, што гэта ўжо трэція адміністрацыйныя суткі Паўла пасьля таго, як ён у пачатку чэрвеня вызваліўся з «хіміі» ў Полацкім раёне. Напярэдадні 27 ліпеня — угодкаў прыняцьця Дэклярацыі аб дзяржаўным сувэрэнітэце — ён быў схоплены ля станцыі мэтро «Пушкінская» разам з А. Шэіным. Пры вобшуку ў хлопцаў знайшлі ўлёткі, што заклікалі прыйсьці на акцыю. Павал быў асуджаны на 15 сутак. Выйшаў на волю 7 жніўня.
20 жніўня ён быў затрыманы ў Берасьці падчас прэзэнтацыі сваёй кнігі «Лісты зь лесу». За арганізацыі несанкцыянаванага мерапрыемства Павал быў асуджаны на 15 сутак і выйшаў на волю 4 верасьня.
Цяпер новы тэрмін.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна4
Каментары