Вядомы спецыяліст Анатоль Байдачны падзяліўся ўражаннямі ад чэмпіянату свету-2014.
«Не разумею, калі пачынаюць разважаць пра скон іспанцаў. З чаго б гэта? Іх клубы не далей як у мінулым месяцы перамаглі і ў Лізе чэмпіёнаў, і ў Лізе Еўропы. Прычым ў галоўным еўракубку сустрэліся два прадстаўнікі «прымеры». І зборная за восем апошніх гадоў выйграла ўсё, што можна. Чаму ж яе пераможнае шэсце павінна заканчвацца? Нам бы такі скон — у Расіі, Беларусі, ды ў любой краіне. Іншая справа, што іспанцы, магчыма, псіхалагічна стаміліся ад перамог. Адгэтуль з'яўляецца нядбайнасць, прыкметная ў матчы з галандцамі. Занадта лёгка ім раней усё ўдавалася. Думалі, і далей усё пойдзе па старой звычцы. Але нам-та якая справа да гэтага? Трэба звяртаць увагу на нас саміх — у сэнсе на Расію. Кажу «нас», таму што я расеец.
І для мяне вельмі дзіўна даведацца, што ў Беларусі многія заўзеюць супраць расійскай зборнай. Ніколі з падобным стаўленнем не сутыкаўся. Як гэта наогул магчыма?.. Каманда Фабіа Капэла ў стартавай сустрэчы нічога не дала зрабіць паўднёвакарэйцам. Аднак ляп Акінфеева прывёў да прапушчанага голу. Ды і ў цэлым выступ расейцаў мне не спадабаўся. Наўрад ці нехта застаўся задаволены. Не было стваральнай гульні, каманда паўстала напружанай, закамплексаванай…» — сказаў Байдачны.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць7
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары