Расійскі апазіцыянер Гары Каспараў, выступаючы ў сераду, 4 сакавіка, на слуханнях у Сенаце ЗША, заклікаў сусветную супольнасць працягнуць ізаляцыю прэзідэнта Расіі і падтрымаць Украіну пастаўкамі зброі.
DPA
«Немагчыма дамаўляцца з ракавай пухлінай, — цытуе экс-чэмпіёна свету па шахматах агенцтва AFP. — Як і ракавая пухліна, Уладзімір Пуцін і яго эліты павінны быць выразаныя». Па словах апазіцыянера, неабходна прымусіць расійскіх алігархаў, якія падтрымліваюць Пуціна, адвярнуцца ад яго пад пагрозай таго, што інакш яны самі апынуцца па-за гульнёй.
Каспараў таксама ўсклаў на Пуціна адказнасць за забойства апазіцыйнага палітыка Барыса Нямцова.
«Барыс Нямцоў быў забіты, таму што гэта магло адбыцца. Пуцін і яго эліты лічаць, што пасля 15 гадоў ва ўладзе для іх няма нічога немагчымага, няма такой чырвонай рысы, якую яны не могуць перасекчы», - заявіў ён.
Тэма сенацкіх слуханняў была афіцыйна пазначаная як «расійская агрэсія ва Усходняй Еўропе». Гаворка ішла як пра супрацьстаянне ўкраінскай арміі і прарасійскіх сепаратыстаў на ўсходзе Украіны, так і пра напружанай сітуацыі ў Малдове і Грузіі. У якасці госця ў слуханнях прыняў удзел экс-прэзідэнт Грузіі Міхаіл Саакашвілі.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць7
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5858
Каментары