Бі-бі-сі мае намер адмяніць паказ серый праграмы Top Gear, што засталіся ў бягучым сезоне, з-за скандалу з яе вядучым Джэрэмі Кларксанам.
У аўторак было абвешчана аб тым, што ў Кларксана адбылася бойка з прадзюсарам праграмы, і 54-гадовы вядучы быў адхілены ад эфіру на час расследавання інцыдэнту.
Карпарацыя ўжо заявіла, што наступная серыя праграмы ў бліжэйшую нядзелю не выйдзе ў эфір.
Чакаецца, што не будуць паказаныя і астатнія дзве серыі, што засталіся да канца сезона.
Пад размешчанай у інтэрнэце петыцыяй у адрас Бі-бі-сі з патрабаваннем вярнуць Кларксана ў эфір ужо падпісаліся больш за 230 тысяч чалавек.
Сам вядучы да гэтага часу не зрабіў ніякіх заяваў з гэтай нагоды і толькі аджартаваўся ў «Твітары» з нагоды ваенных фільмаў, якія могуць быць паказаныя ў нядзелю замест яго шоу.
Газета Sun, дзе Кларксан вядзе пастаянную аўтарскую калонку, цытуе нейкую «крыніцу, блізкую да зоркі», якая адмаўляе, што той некага ўдарыў.
Раней былы вядучы Top Gear Крыс Джофры распавёў у інтэрв'ю Бі-бі-сі, што абстаноўка за кадрам часам сапраўды напальвалася.
«Павінна было адбыцца нешта сапраўды сур'ёзнае, што пацягнула за сабой адмену эфіру, — сказаў ён. — Калі на праграме ёсць чалавек з цвёрдым характарам, які прымае рэчы толькі такімі, якімі ён хоча іх бачыць, канфлікт можа ўзнікнуць з любым, хто стане ў яго на шляху».
Прыхільнікі Top Gear ў сацсетках заклікаюць Бі-бі-сі як мага хутчэй разабрацца ў сітуацыі і «не прымушаць фанатаў пакутаваць».
Жыхар Іванава сплаціў $600 тысяч кампенсацыі за данаты, але ўсё адно атрымаў 5,5 года зняволення1
Жыхар Іванава сплаціў $600 тысяч кампенсацыі за данаты, але ўсё адно атрымаў 5,5 года зняволення
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1414
Каментары