Bi-bi-si maje namier admianić pakaz sieryj prahramy Top Gear, što zastalisia ŭ biahučym siezonie, z-za skandału ź jaje viadučym Džeremi Kłarksanam.
U aŭtorak było abvieščana ab tym, što ŭ Kłarksana adbyłasia bojka z pradziusaram prahramy, i 54-hadovy viadučy byŭ adchileny ad efiru na čas rasśledavańnia incydentu.
Karparacyja ŭžo zajaviła, što nastupnaja sieryja prahramy ŭ bližejšuju niadzielu nie vyjdzie ŭ efir.
Čakajecca, što nie buduć pakazanyja i astatnija dźvie sieryi, što zastalisia da kanca siezona.
Pad raźmieščanaj u internecie pietycyjaj u adras Bi-bi-si z patrabavańniem viarnuć Kłarksana ŭ efir užo padpisalisia bolš za 230 tysiač čałaviek.
Sam viadučy da hetaha času nie zrabiŭ nijakich zajavaŭ z hetaj nahody i tolki adžartavaŭsia ŭ «Tvitary» z nahody vajennych filmaŭ, jakija mohuć być pakazanyja ŭ niadzielu zamiest jaho šou.
Hazieta Sun, dzie Kłarksan viadzie pastajannuju aŭtarskuju kałonku, cytuje niejkuju «krynicu, blizkuju da zorki», jakaja admaŭlaje, što toj niekaha ŭdaryŭ.
Raniej były viadučy Top Gear Krys Džofry raspavioŭ u intervju Bi-bi-si, što abstanoŭka za kadram časam sapraŭdy napalvałasia.
«Pavinna było adbycca niešta sapraŭdy surjoznaje, što paciahnuła za saboj admienu efiru, — skazaŭ jon. — Kali na prahramie jość čałaviek ź ćviordym charaktaram, jaki prymaje rečy tolki takimi, jakimi jon choča ich bačyć, kanflikt moža ŭźniknuć ź lubym, chto stanie ŭ jaho na šlachu».
Prychilniki Top Gear ŭ sacsietkach zaklikajuć Bi-bi-si jak maha chutčej razabracca ŭ situacyi i «nie prymušać fanataŭ pakutavać».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kali Kanapackaja stała całkam padkantrolnaja Łukašenku?22
Kamientary