Фота Паўла Міцкевіча, kp.by
22 ліпеня прыкладна ў 9.30 дзяўчына, якая залезла на дугу пешаходнага моста цераз раку Сож у Гомелі, спрабавала ўчыніць суіцыд, паведамляе БелаПАН.
Каля моста сабраліся прахожыя, прыбылі супрацоўнікі МНС і міліцыі. Паводле слоў відавочцаў, дзяўчына плакала і гаварыла, што спусціцца толькі ў тым выпадку, калі прыедзе яе маці.
Непадалёк ад пешаходнага моста знаходзіцца праваслаўнае епархіяльнае ўпраўленне. На месца НЗ прыйшоў епіскап Гомельскі і Жлобінскі Стэфан.
На мосце ён доўга размаўляў з дзяўчынай, пасля чаго яна спусцілася ўніз.
Праваахоўнікі і ратавальнікі пры гэтым не стаялі побач, таму не чулі, пра што ішла гаворка, піша kp.by. Але самае галоўнае, што праз некалькі хвілін дзяўчына сама спусцілася з фермы. Яна ішла хістаючыся, пад ўздыхі разявакаў, але паспяхова дабралася да кратаў, адкуль яе знялі супрацоўнікі МНС.
Епіскап адвёў дзяўчыну ў епархіяльнае ўпраўленне.
На просьбу журналістаў пракаментаваць здарэнне ўладыка адказаў: «Я не герой».
Ён сышоў, адмовіўшыся гутарыць з прэсай.
Як паведаміла kp.by прэс-сакратар Гомельскага абласнога ўпраўлення МНС Ксенія Шынгірэй, дзяўчыне — 20 гадоў, яна жыхарка Гомельскага раёна і часова не працуе. Далейшае разбіральніцтва праводзіць міліцыя.
Kp.by дадае, што мост настолькі папулярны ў самагубцаў і эктрэмалаў, што падыход да яго высокай фермы, на якую раней залазілі, каб скокнуць у ваду, прыйшлося заварыць кратамі. Але і яны не перашкодзіла дзяўчыне ўзлезці на самую высокую кропку фермы — 30-35 метраў над ракой.
Цяпер чытаюць
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?4
Каментары