У Беларусі плануюць аднавіць авіязносіны паміж Мінскам і абласнымі цэнтрамі, калі ў краіне з’явяцца лёгкія самалёты тыпу «Асвей». Пра гэта паведаміў дырэктар дэпартамента па авіяцыі Міністэрства транспарту і камунікацый Ігар Голуб, паведамляе Office Life.
Паводле слоў чыноўніка, для ўнутраных рэйсаў на адлегласці да 600 кіламетраў патрэбныя больш эканамічныя самалёты. Цяперашнія лайнеры «Белавія» занадта вялікія і затратныя для такіх перавозак. А вось самалёты «Асвей», над якімі працуюць беларускія і расійскія спецыялісты, павінны дапамагчы аднавіць рэгулярныя палёты паміж Мінскам і рэгіёнамі.
У «Белавія» цяпер 18 самалётаў: дзесяць Boeing, пяць Embraer і тры Airbus. Кампанія ўжо вывела з эксплуатацыі адзін Boeing 737‑300 і да канца года плануе спыніць выкарыстанне яшчэ аднаго самалёта гэтай мадэлі. Такім чынам завершыцца працяглая гісторыя эксплуатацыі Boeing сямейства Classic.
Тым часам з 2023 года паступова аднаўляецца праца рэгіянальных аэрапортаў. Спачатку рэйсы пачалі выконваць з Гомеля, затым з Брэста, Магілёва і Віцебска.
Гродна застаецца адзіным абласным цэнтрам, з аэрапорта якога ў апошнія гады не выконвалі міжнародных рэйсаў. Раней гэта тлумачылі нездавальняльным станам узлётна-пасадачнай паласы. Цяпер аэрапорт праходзіць тэхнічную мадэрнізацыю, каб прывесці яго ў адпаведнасць з міжнароднымі стандартамі. Яго плануюць адкрыць для палётаў зімой.
Адной з праблем была адсутнасць сучаснага радыётэхнічнага абсталявання, неабходнага для кругласутачных палётаў у розных метэаралагічных умовах. Абсталяванне ўжо закупілі і даставілі ў аэрапорт, але яго яшчэ трэба наладзіць, пасля чаго авіякампаніі павінны ацаніць магчымасць выканання рэйсаў.
У Віцебску, у адрозненне ад Гомеля, Брэста і Магілёва, рэгулярных міжнародных рэйсаў пакуль няма — там выконваюць толькі чартарныя палёты. У «Белавія» ўдакладнілі, што планаў па запуску рэгулярных рэйсаў з гэтага аэрапорта цяпер таксама няма.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары