Супрацоўнікі сталічнага ўпраўлення па раскрыцці злачынстваў у сферы высокіх тэхналогій затрымалі 28-гадовага мінчука, які выдаліў з сайта былога працадаўцы каталог, «знёс кліенцкую базу» і заблакаваў доступ да карпаратыўнай пошты. Пра гэта паведамляе прэс-служба ГУУС Мінгарвыканкама.
28-гадовы мужчына працаваў загадчыкам гандлёвым аб'ектам фірмы, якія займаюцца пастаўкамі на беларускі рынак сантэхнічнага абсталявання з Іспаніі і Швейцарыі. Таксама ён быў адміністратарам сайта кампаніі. У нейкі момант з кіраўніцтвам адбыўся канфлікт — мужчына палічыў, што яго працу недастаткова высока ацэньваюць, і ў выніку звольніўся.
Пасля звальнення, скарыстаўшыся доступам да сайта кампаніі, ён выдаліў больш за 3 тысячы пазіцый тавараў з каталога, «знёс» кліенцкую базу, звесткі аб замовах, а таксама артыкулы аб працы кампаніі.
«Больш за тое, ён занёс загадзя ілжывую інфармацыю на сайт, пасля і зусім змяніў пароль доступу да панэлі кіравання сайтам, а таксама заблакаваў доступ да пошты прадпрыемства», — распавёў начальнік упраўлення «К» ГУУС Мінгарвыканкама Андрэй Кавалёў.
У кампанію сталі паступаць званкі ад незадаволеных кліентаў з усёй Беларусі, што пагражала фірме стратай не толькі прыбытку, але і дзелавой рэпутацыі. Кіраўніцтва кампаніі звярнулася ў міліцыю.
«Супрацоўнікі ўпраўлення «К» ўсталявалі дачыненне былога супрацоўніка да несанкцыянаванага доступу да камп'ютарнай інфармацыі. У мужчыны канфіскавалі камп'ютарную тэхніку, у ходзе яе агляду былі знойдзеныя файлы, якія супрацоўнікі міліцыі перадалі кампаніі, і сайт быў адноўлены», — дадалі ў ГУУС.
У дачыненні да мужчыны былі заведзеныя адразу тры крымінальныя справы па ч.2 арт. 351 (камп'ютэрны сабатаж), па ч.2 арт. 349 (несанкцыянаваны доступ да камп'ютарнай інфармацыі) і па ч.2 арт. 350 (мадыфікацыя камп'ютарнай інфармацыі) Крымінальнага кодэкса Беларусі.
Каментары