Аўто55

Літоўскі вясковы падворак на мяжы з Беларуссю выглядае, як аўтасалон па продажы прэміяльных аўто ВІДЭА

Дзясяткі прэміяльных аўто, якія накіроўваліся ў Беларусь, захраслі ў Літве. Іх захоўваюць на падворках прыгранічных вёсак і на паркоўцы рынка «Гарунай» у Вільні.

Аўто на падворку літоўскай вёскі каля мяжы з Беларуссю. Скрыншот відэа: rihor33 / Instagram. Калаж: «Наша Ніва»

Карыстальнік Instagram пад нікам rihor33 выклаў відэа, якое было адзнята ў прыгранічнай літоўскай вёсцы непадалёк ад пункта пропуску «Меднікі — Каменны Лог».

На відэа бачна, як падворак шчыльна застаўлены аўтамабілямі з транзітнымі нумарамі розных краін — у асноўным Германіі, Літвы і Латвіі.

«Від з літоўскай вёскі на мяжы з Беларуссю. Раней саджалі бульбу, а цяпер ставім тачкі на стаянку. Тут як у музеі. Тут, мне здаецца, прадаўцы BMW і Mercedes павінны прыязджаць на курсы павышэння кваліфікацыі. Яны такіх тачак самі не бачылі»,

— каментуе ўбачанае аўтар відэа.

Ролік з літоўскай вёскі набраў ужо больш за 255 тысяч праглядаў.

Аўто на падворку літоўскай вёскі каля мяжы з Беларуссю. Скрыншот відэа: rihor33 / Instagram

На падворку можна ўбачыць адразу некалькі спартыўных BMW і Mercedes. Купэ Porsche 911, як мінімум два кабрыялеты і даволі шмат уседарожнікаў BMW.

Апроч відэа з вёскі, мужчына выклаў у сваім акаўнце ролікі, якія хутчэй за ўсё былі запісаныя на паркоўцы вільнюскага рынку «Гарунай».

Паркоўка на тэрыторыі рынку таксама шчыльна застаўлена аўтамабілямі з транзітнымі нумарамі розных краін ЕС.

Там таксама можна ўбачыць вялікую колькасць уседарожнікаў BMW Х5 і Х7, Mercedes-Benz GLE, мінівэны V-classe. Хапае на паркоўцы свежых Volvo і Range Rover. Таксама на адным з відэа можна налічыць як мінімум чатыры Mercedes Gelentwagen, кошт якіх нашмат большы за 50 тысяч еўра.

Чаму машыны пакінулі ў Літве?

Выглядае, што калі не ўсе гэтыя аўто, то дакладна значная частка з іх — гэты тыя машыны, якія накіроўваліся ў Беларусь, але не змаглі трапіць туды праз уведзеныя Літвой з 4 чэрвеня дадатковыя патрабаванні. 

Цяпер з Еўропы ў Беларусь прапускаюць толькі машыны з аб'ёмам рухавіка да 1,9 літра і коштам да 50 тысяч еўра. Каб вывезці ў Беларусь падсанкцыйныя ў Расіі аўто, пакупніку неабходна паказаць дэкларацыю ад аўтавытворцы.

Гэта дакумент у вольнай форме ад вытворцы тавару (не афіцыйнага прадстаўніка), які вырабіў аўтамабіль, якім пацвярджаецца, што яму вядомы прадавец тавараў, вырабленых ім, і іх пакупнік у трэцяй краіне, і заключаная імі здзелка не выклікае ў яго сумненняў (што гэтая здзелка не парушае міжнародныя санкцыі).

Як паказвае практыка, выканаць гэтае патрабаванне наўрад ці магчыма.

Каментары5

  • Жэка
    26.06.2024
    [Рэд. выдалена]
  • Приехали
    26.06.2024
    Однозначно, бабки залегли и надолго.
  • :)
    27.06.2024
    Конечно, дальше на бмв будут ставить ядерную бомбу и запускать обратно

Банкі зніжаюць прыбытковасць па валютных дэпазітах да 0,1%. Тлумачым матэматыку1

Банкі зніжаюць прыбытковасць па валютных дэпазітах да 0,1%. Тлумачым матэматыку

Усе навіны →
Усе навіны

Арына Сабаленка: Плячо зажыло. На гэтым тыдні я пачынаю гуляць1

Камароўскі рынак ператварыўся ў сапраўднае мора ВІДЭА6

Сілавікі ў Брэсце затрымалі дырэктара кампаніі за ўдзел у пратэстах у жніўні 2020 года

У Мінску з-за патопу закрылі станцыю метро «Парк Чалюскінцаў» ВІДЭА

«У Беларусі маю музыку рэкламавала КДБ, а ў Польшчы — паліцыя». Банцар пракаментаваў сваё затрыманне ў Варшаве9

Літва развярнула на мяжы больш за 20 машын з Беларусі — у тым ліку з грамадзянкай Літвы за рулём5

Мінск сёння пайшоў пад ваду ФОТЫ13

Амерыканец у 14 гадоў стаў самым маладым футбалістам у гісторыі Амерыканскай футбольнай лігі

«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары3

больш чытаных навін
больш лайканых навін

Банкі зніжаюць прыбытковасць па валютных дэпазітах да 0,1%. Тлумачым матэматыку1

Банкі зніжаюць прыбытковасць па валютных дэпазітах да 0,1%. Тлумачым матэматыку

Галоўнае
Усе навіны →