У былой зоркі «Дома-2» і яе сябра ў мінскім аэрапорце канфіскавалі $30 тысяч
Расійскі спявак Алекса Маліноўскі і тэлевядучая, былая зорка скандальнага шоу «Дом-2» Алёна Ваданаева ляцелі маршрутам Масква — Мінск — Кіеў на здымкі кліпа.
З сабой у Маліноўскага былі $30 тысяч гатоўкай, якія ён вёз у Кіеў, каб заплаціць рэжысёру. Расійскія артысты пайшлі не па чырвоным канале, дзе мусілі задэклараваць грошы, а па зялёным. Супрацоўнікі мытні выпадкова вычапілі іх з плыні пасажыраў і запыталіся, ці няма чагосьці забароненага.
«Калі ў нас спыталі, колькі мы вязем грошай, мы адказалі шчыра, бо нічога не хавалі. Супрацоўнікі мытні вельмі непрафесійна сябе паводзілі, зладзілі цырк са здзекам, адмаўляліся запрасіць консула. Па іх віне мы прапусцілі самалёт, нас пратрымалі 11 гадзін, і, натуральна, ніхто не збіраецца аплачваць нашы квіткі бізнес-класа і VIP-праходкі у Барыспаль», — расказвала абураная Ваданаева.
Узяўшы з расійскіх артыстаў тлумачальную, іх адпусцілі ў Кіеў. А вось грошы засталіся на мытні. У аўторак у судзе будзе вырашаны лёс сканфіскаваных $30 тысяч і 55 000 расійскіх рублёў.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары