На выходных у Налібоцкай пушчы шукалі вядомага тэлевядучага Мікалая Драздова
У Налібоцкай пушчы 31 жніўня прайшоў рэаліці-квэст з удзелам вядомага вандроўніка і тэлевядучага Мікалая Драздова. Больш за 50 чалавек вучыліся арыентавацца на мясцовасці, шукаць зніклых людзей і аказваць першую дапамогу. Мерапрыемства правёў мабільны аператар МТС сумесна з пошукава-выратавальным атрадам «Анёл».
Квэст праходзіў ва ўмовах, максімальна набліжаных да рэальнай пошукавай аперацыі. Удзельнікаў падзялілі на дзве групы, кожная з якіх атрымала прыкметы чалавека, які ўмоўна заблукаў у лесе. Мэта квэста — расказаць, як мабільныя тэхналогіі дапамагаюць у пошуку зніклых, і даць магчымасць добраахвотнікам паспрабаваць сябе ў ролі валанцёраў-ратавальнікаў.
![](http://nnexpictures.fra1.digitaloceanspaces.com/img/w732d4webp1/photos/z_2019_09/5d3_9204-pouiw.jpg.webp)
Пад кіраўніцтвам дасведчаных інструктараў з ПВА «Анёл» госці праекта адправіліся па маршруце. Галоўнай задачай квэста было адшукаць лагер, у якім іх чакаў знакаміты падарожнік і папулярызатар навукі Мікалай Драздоў.
Легендарны вядучы перадачы «У свеце жывёл» прыехаў з Масквы, каб даць майстар-клас па правілах паводзін у дзікай прыродзе. Таксама ён распавёў пра свае прыгоды і аб удзеле ў праекце «Апошні герой».
![](http://nnexpictures.fra1.digitaloceanspaces.com/img/w732d4webp1/photos/z_2019_09/5d3_9675-cg39x.jpg.webp)
Пошукава-выратавальны атрад «Анёл» займаецца пошукам зніклых людзей з 2012 года. Уся яго дзейнасць адбываецца на добраахвотных пачатках. Аказаць фінансавую дапамогу атраду можна з дапамогай адкрытага МТС USSD-запыту *222*13#.
Каментары