Кожны з 35 украінцаў, вызваленых 7 верасня ў выніку ўкраінска-расейскага абмену, атрымае па 100 тысяч грыўняў (прыблізна па 4 тысячы даляраў) аднаразовай грашовай дапамогі. Гэта пацвердзіла ўкраінская амбудсменка Людміла Дзянісава, перадае Радыё Свабода.
«Толькі што прыняла ўдзел у другім пасяджэньні кабінету міністраў Украіны. Было прынята важнае рашэнне: кожны з 35 вызваленых украінскіх грамадзян атрымае аднаразовую грашовую выплату ў памеры 100 тысяч грыўняў», — напісала Дзянісава ў сваім Telegram-канале.
Раней Дзянісава казала, што крымчанам, якія вярнуліся ва Украіну з расейскіх турмаў у выніку абмену, дадуць жыллё ў Кіеве.
Каментары