Сайман Кіндлісайд, паралізаваны ніжэй за пояс, прайшоў больш за 200 км у экзашкілеце і сабраў больш за £12 000 для Нацыянальнай службы аховы здароўя ў Вялікабрытаніі.
Штодня ў лютым 36-гадовы Сайман Кіндлісайд праходзіў больш за 6 км у межах чэленджу. Гэта максімальная адлегласць, якую можна пераадолець у экзашкілеце, пасля чаго яму патрабуецца зарадка. Усе атрыманыя сродкі ад чэленджу будуць накіраваныя на дабрачыннасць у бальніцы Норфалка — графства на ўсходзе Англіі, дзе жыве Сайман Кіндлісайд.
У 2013 годзе ў Саймана знайшлі пухліну галаўнога мозгу, якая паралізавала ніжнюю частку яго цела, піша BBC.
Аднак нягледзячы ні на што, Сайман Кіндлісайд узяў удзел у Лонданскім марафоне ў 2018 годзе. Мужчына паспяхова завяршыў марафон у рабатызаваным касцюме, які яму пазычылі.
Пасля гэтага ананімны донар набыў Кіндлісайду экзашкілет, цана якога складае £100 000.
Экзашкілет уяўляе сабой мабільны механізм, прызначаны для аднаўлення здольнасці рухацца, якім можна кіраваць рознымі спосабамі ў залежнасці ад мадэлі касцюма. Экзашкілет Саймана Кіндлісайда працуе ад гадзінніка на руцэ.
Наступная мэта Саймана Кіндлісайда — падняцца па лесвіцы хмарачоса.
«Мы былі дружныя з Эйсмантам». Вядучы Алег Ціткоў аддаў БТ амаль 20 гадоў, але звольніўся пасля выбараў — пагутарылі з ім8
«Мы былі дружныя з Эйсмантам». Вядучы Алег Ціткоў аддаў БТ амаль 20 гадоў, але звольніўся пасля выбараў — пагутарылі з ім
Пяць фактаў пра Наталлю Пяткевіч — самую ўплывовую чыноўніцу Беларусі да з'яўлення Качанавай і Эйсмант31
Каментары