Карач: Макар верыць, што ананімна перапісваецца ў тэлеграме з кіраўніком ФСБ Бортнікавым
Кіраўніца кампаніі «Наш Дом», палітэмігрантка Вольга Карач на сваім ютуб-канале адказала на абвінавачанні з боку экс-сілавіка Ігара Макара.
Той казаў, што арыштаваны Юрась Зянковіч паляцеў у Маскву пад гарантыі бяспекі ад Карач.
«Мы з Макарам былі не дужа звязаныя. Ад яго патрабавалася адно: ёсць кампрамат — арганізуй! І ўсё. Макар кляўся, што кампрамат у яго ёсць, але, як бачым, апроч запісу пяцігадовай даўніны, у яго няма нічога.
Мы з ім бачыліся разоў 8-10, не так шмат. Натуральна, што ён не быў дапушчаны ў наша вузкае кола. І ў каманду, якая рыхтуе пэўныя рэчы, не ўваходзіў. Як мінімум з гледзішча бяспекі, бо большая частка маёй каманды знаходзіцца ў Беларусі.
Апошні раз я бачыла Ігара Макара 24 сакавіка, менавіта тады ён сказаў, што ў яго ў Маскве ёсць высокапастаўлены фээсбэшнік. Чалавек на літару «Б», а менавіта Аляксандр Бортнікаў — кіраўнік ФСБ Расіі.
І Макар з ім ананімна перапісваецца ў тэлеграме. У працэсе размовы Ігар удакладніў, што Бортнікаў ужо напісаў дакладную на імя прэзідэнта Расіі Уладзіміра Пуціна, дзе паведаміў, што Ігар Макар — найлепшая кандыдатура на пасаду прэзідэнта Беларусі. Прабачце, мне дагэтуль смешна.
Пасля гэтага я вырашыла спыніць кантактаванне з Макарам, яго гэта засмуціла. Ён у гэтую ахінею з ананімнай перапіскай з Бортнікавым шчыра верыць.
Я ўяўляю як весяліліся ў КДБ, калі перапісваліся з Макарам, разумеючы, што гэтую дзікасць ён успрымае як чыстую манету.
Каб закрыць пытанне, хто здаў Фядуту і Зянковіча, хто працуе на КДБ, я прапаную дуэль на паліграфе: я супраць Ігара Макара».
Чытайце таксама. Макар рассварыўся з Карач і заявіў, што Зянковіч паляцеў у Маскву пад яе гарантыі бяспекі
Хто такі Ігар Макар — джокер альбо правакатар?
Хто такая Вольга Карач, якая хоча падсядзець Ціханоўскую?
Цяпер чытаюць
Хто той замежнік, які забіў жонку і згвалтаваў падчарыцу ў Добрушы7
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары