Дабратвор пасля выезду з Беларусі: Мне прапаноўвалі працаваць на новым праўладным сайце, які заменіць Tut.by
Журналіст і палітычны актывіст Ілля Дабратвор на мінулым тыдні пакінуў Беларусь, цяпер ён знаходзіцца ў Варшаве.
У каментары «НН» ён расказаў пра прычыны эміграцыі, а таксама аб прапанове, ад якой было цяжка адмовіцца.
«Я пайшоў працаваць на будоўлю, бо трэба неяк выжываць. Працую на рэстаўрацыі ў цэнтры Варшавы. Калі з’ехаў, то цяпер магу гаварыць, што хачу. Калі б у мяне не было дзяцей, то я б мог застацца і ісці да канца, але я абраў дзяцей і іх будучыню. Пакуль Лукашэнка не сыдзе, я дакладна не вярнуся.
Улады цяпер рыхтуюць рэсурс, які павінен замяніць Tut.by. Мне прапанавалі там працу, я не адмаўляўся, бо збіраўся з’ехаць з Беларусі. Не буду казаць, хто менавіта прапаноўваў, але гэта адзін з праўладных экспертаў. Калі я казаў, што хачу з’ехаць, мне пачалі пагражаць, што не дадуць гэта зрабіць. Улада хацела, каб я працаваў на іх.
У мяне былі толькі некалькі варыянтаў: альбо пачынаць працаваць на іх, альбо з’язджаць, альбо садзіцца ў турму. Мне не давалі працаваць журналістам, дзе б я ні з’яўляўся, мяне затрымлівалі. Мяне выкінулі з прафесіі, не давалі магчымасці зарабляць грошы.
Яны капалі на мяне за ўдзел у масавых мерапрыемствах. Я кажу, што працаваў як журналіст, але ім пофіг… Мне далі тры дні. Я за суткі зрабіў візу і з’ехаў, інакш бы я сядзеў.
Спадзяюся адкрыць ютуб-канал. Тыя, хто застаюцца ў Беларусі, цяпер павінны не высоўвацца, а мы, хто ў бяспецы, будзем іх голасам. Не трэба ж падстаўляць людзей.
Зраблю майку «Свабоду Васкрасенскаму», яго захапілі ў закладнікі. І ўсё, што ён кажа, трэба ўспрымаць як словы чалавека, у якога пісталет ля скроні. Але ён спадзяецца хоць неяк увайсці ў гісторыю».
Чытайте таксама:
Журналіст Ілля Дабратвор з пяццю дзецьмі з'ехаў з Беларусі
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары