«Каб не было куды схавацца»: Захад рыхтуе «руйнуючыя» санкцыі супраць Расіі ў выпадку ўварвання ва Украіну
У панядзелак у брытанскім парламенце прадставяць законапраект, які дазволіць пашырыць спіс актываў і людзей, што патэнцыйна падпадаюць пад санкцыі ў выпадку ўварвання Расіі ва Украіну.
Пра гэта ў нядзелю паведаміла міністр замежных спраў Вялікабрытаніі Ліз Трас, дадаўшы, што пад новыя санкцыі могуць патрапіць расійскія фінансавыя ўстановы, энергетычныя кампаніі і фірмы і асобы, якія падтрымліваюць расійскую ўладу, піша Бі-бі-сі.
«Мы хочам пашырыць ахоп, каб пад санкцыі магла трапіць любая кампанія, якая ўяўляе цікавасць для Крамля, і сам расійскі рэжым, каб пуцінскім алігархам і кампаніям, якія падтрымліваюць расійскую дзяржаву, не было куды схавацца», — сказала кіраўніца знешнепалітычнага офіса.
Тым часам два вядучыя амерыканскія сенатары — дэмакрат Боб Менэндэс і рэспубліканец Джэймс Рыш — заявілі, што ЗША могуць абвясціць новыя санкцыі супраць Расіі ўжо на гэтым тыдні.
У Сенаце рыхтуецца законапраект аб санкцыях, ён будзе накіраваны супраць вядучых расійскіх банкаў і суверэннага доўгу Расіі, паведамляе «Рэйтэрс», прычым некаторыя санкцыі могуць уступіць у дзеянне яшчэ да магчымага расійскага ўварвання — за тое, што Масква ўжо зрабіла, у тым ліку за кібератакі супраць Украіны, «аперацыі пад чужым сцягам» і спробы падарваць знутры ўкраінскі ўрад.
Чытайце таксама:
Калі Расія нападзе на Украіну з беларускай тэрыторыі, ці будуць украінцы біць па Беларусі?
Давід і Галіяф: параўноўваем сілы расійскай і ўкраінскай армій
«Мы восьмы год ваюем і прывыклі». Што ва Украіне думаюць пра магчымае расійскае і беларускае ўварванне?
Кавід забраў у Беларусі 90 тысяч жыццяў, а не 7 тысяч, як сцвярджалі ўлады14
Каментары