Дзмітрый Быкаў: Уладзімір Мацкевіч — рэдкі прыклад нязломнага мысляра
Вядомы расійскі літаратар Дзмітрый Быкаў у эфіры «Эхо Москвы» выказаў падтрымку філосафу Уладзіміру Мацкевічу, які 8-ы дзень галадае з патрабаваннем змяніць яму меру ўтрымання і асудзіць хутчэй.
«Мацкевіч — гэта чалавек, без якога нацыя не адбудзецца. Ён — буйны мысляр, сапраўдны філосаф, палітолаг. Арыштаваны ён, што называецца, за словы», — сказаў Быкаў.
Пакуль Мацкевіч трымае звычайную галадоўку, але калі яго патрабаванні не будуць выкананыя, то ён плануе пачаць сухую, гэта значыць, «па сутнасці, самагубчую», адзначыў Быкаў.
«Вялікая колькасць людзей схільная да кампрамісу. Дык вось Мацкевіч да кампрамісу не схільны. Ён не з тых людзей, каго можна зламаць або запалохаць.
Мне здаецца, Мацкевіч, гэта рэдкі прыклад нязломнага мысляра. І вядома, да яго лёсу я прыглядаюся і з жахам, і з захапленнем. І я вельмі спадзяюся, што свет не дапусціць яго гібелі», — сказаў Дзмітрый Быкаў.
Ён таксама ўспомніў Аляксандра Фядуту, які 12 красавіка 2021 года быў затрыманы ў Маскве. Разам з палітыкам Рыгорам Кастусёвым і беларускім адвакатам з ЗША Юрыем Зянковічам ён абвінавачваецца ў арганізацыі дзяржаўнага перавароту і падрыхтоўцы замаху на Лукашэнку.
«Фядута да гэтага часу, будучы цяжка хворым, знаходзіцца ў турме. За што, зусім незразумела. Арыштаваны ў Маскве. І гэта ганьба для нас для ўсіх. Тое, што Мацкевіч і Фядута, знаходзяцца ў зняволенні, гэта страшны дыягназ краіне», — сказаў Дзмітрый Быкаў.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Каментары