Выставілі на аўкцыён памяшканне чыгуначных кас у Мінску. Якая цана?
Беларуская чыгунка вырашыла прадаць на аўкцыёне памяшканне ў гістарычным будынку на вуліцы Кірава, 2 (насупраць вакзала), у якім раней працавалі міжнародныя касы.
![](http://nnexpictures.fra1.digitaloceanspaces.com/img/w732d4webp1/photos/z_2022_04/96352707df62ddb82b6ebc16cadca2ac-dwnip.jpg.webp)
Пра таргі паведамляе Мінскі гарадскі цэнтр нерухомасці.
Памяшканне займае плошчу 239,3 квадратнага метра. Паводле выпісу з Адзінага дзяржрэгістра нерухомай маёмасці, гэта «памяшканне неўстаноўленага прызначэння». Яно цяпер знаходзіцца ва ўласнасці Рэспублікі Беларусь і ў гаспадарчым падпарадкаванні Мінскага аддзялення Беларускай чыгункі, паведамляе Realt.by.
![](http://nnexpictures.fra1.digitaloceanspaces.com/img/w732d4webp1/photos/z_2022_04/18c18780aee8e601b9e271b2ce577c8a-rrbdp.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2022_04/7fce4842f5db54b9c3106b1f260a940c-rxch6.jpg.webp)
Пачатковая цана — 1 772 080 рублёў (на сёння гэта каля 545 тысяч даляраў). У кошт уваходзіць таксама некаторае абсталяванне, якое засталося пасля закрыцця кас.
Аўкцыён пройдзе 6 мая ў Мінскім гарадскім цэнтры нерухомасці.
Каментары