На мінскіх дамах збіраюцца паставіць 100 тысяч камер. Плаціць за назіранне за сабой маюць самі людзі
На дамах у Мінску плануюць усталяваць каля 100 тысяч камер для відэаназірання. Пра гэта заявіў начальнік групы па працы з ключавымі кліентамі філіяла «Мінская гарадская тэлефонная сетка» РУП «Белтэлекам» Віктар Канюшык.
![](http://nnexpictures.fra1.digitaloceanspaces.com/img/w732d4webp1/photos/z_2022_05/apartmentbuildingcameras-e1551975541574-1024x445-5iyte.jpg.webp)
Фота ілюстрацыйнае
«У Мінску 6,4 тысячы шматкватэрных жылых дамоў, з іх 1,8 тысячы ў той ці іншай ступені абсталяваныя відэаназіраннем. Мы падлічылі, што для забеспячэння усяго шматкватэрнага жылога фонду сістэмамі відэаназірання ў дастатковым аб'ёме патрабуецца 100 тысяч камер», — перадаюць яго словы «Мінск-Навіны».
«Белтэлекам» гатовы ўсталяваць камеры за свой кошт, а жыхары за гэта будуць плаціць абаненцкую плату — арыенціровачна 2,3 рубля з кватэры ў месяц.
Захоўвацца на серверы запісы будуць не менш за 30 дзён.
Каментары