Грамадства

Затрыманы гітарыст беларускамоўнага панк-гурта. Яго вінавацяць у абразе Лукашэнкі — меркавана, з-за гэтай татуіроўкі

Мужчына ў зняволенні болей за тыдзень.

Павал Бялянаў. Фота: сацсеткі

Сёння ў афіцыйным акаўнце гурта Dzieciuki з'явілася інфармацыя пра затрыманне гітарыста гарадзенскага гурта Deviation Паўла «Белкі» Бялянава. Мужчыне 36 гадоў, ён жыве ў Гродне.

«Да яго прыйшлі па справе нейкіх графіці, але яго не было дома, — кажа сябра Паўла. — Быў ператрус, забралі балоны з фарбай. На наступны дзень ён пайшоў на допыт і яго ўжо не выпусцілі. Спачатку далі суткі, а потом гэтую справу за татуіроўкі. «Белка» працуе кавалём і займаецца мастацкім тату.

Што за тату іх зацікавіла, не ведаю. «Белка» замаляваны як апошні аркуш хабзайскага сшытку. Але цяпер, мяркуючы па паведамленнях ГУБАЗа, шмат справаў за татуіроўкі. Відаць, ім прыйшла нейкая разнарадка».

Цяпер на музыку заведзеная крымінальная справа па артыкуле 368 КК («абраза прэзідэнта»).

Мяркуючы па выявах у сацсетках, у музыкі амаль усё цела пакрытае татуіроўкамі. З тых, што на фота, з Лукашэнкам звязаная толькі адна — ягоны партрэт без вачэй.

Татуіроўка Паўла. Фота: сацсеткі

Гурт Deviation быў створаны ў 1993 годзе братамі Стасам і Андрэем Пачобутамі ў мястэчку Вялікая Бераставіца. Праз два гады браты разам з гуртом перабраліся ў Гродна. Гурт стаў іконай першай хвалі гродзенскага панку нароўні з гуртом «КальЯн», удзельнікі якога пазней стварылі праекты Dzieciuki і «Людзі на балоце». Гурт Deviation распусціўся ў 2009 годзе праз ад'езд Стаса Пачобута з Беларусі.

Павел Бялянаў прыйшоў у гурт каля 2006 года і ўдзельнічаў у канцэртах і запісе апошняга альбома гурта «Чарговы дзень пад акупацыяй».

Сябры музыкі прапануюць дапамагчы яму на адваката і перадачы пераводам на гэты картку:

5144210620913112, 10/24, VERANIKA YAZEPCHYK.

Чытайце яшчэ:

«Яны хацелі хоць неяк дапамагчы Украіне». Брат «рэйкавага партызана» расказаў падрабязнасці справы

Затрымалі памежніка, які звольніўся пасля падзей 2020 года

У Мінску затрымалі ўладальніка караоке-бара «Шум». За два тыдні да гэтага бар выселілі з памяшкання

Каментары

Стала вядома, хто жаніх былой дэпутаткі Марыі Васілевіч26

Стала вядома, хто жаніх былой дэпутаткі Марыі Васілевіч

Усе навіны →
Усе навіны

Гайдукевіч заклікаў не дапускаць да выбараў «здраднікаў» і «пятую калону»6

«Чорны» археолаг заявіў, што гэта ён знайшоў скарб вялікіх князёў у Кафедральным саборы — скандал у Вільні5

Меркаваны біёграф Ілана Маска лічыць, што мільярдэр уяўляе небяспеку для ўсяго свету8

МЗС Польшчы збіраецца ўзмацніць правілы выдачы віз

Трамп апублікаваў карту з Канадай, далучанай да ЗША23

У Энгельсе Саратаўскай вобласці пасля атакі беспілотнікаў адбыўся моцны пажар

Беларусь нарасціла вайсковую прысутнасць на ўкраінскай мяжы

Былы адказны за ахову ўсіх пасольстваў на тэрыторыі Беларусі атрымаў крымінальны тэрмін — але з нюансам4

Прэм'ер Даніі адказала наконт прапановы Трампа пра Грэнландыю2

больш чытаных навін
больш лайканых навін

Стала вядома, хто жаніх былой дэпутаткі Марыі Васілевіч26

Стала вядома, хто жаніх былой дэпутаткі Марыі Васілевіч

Галоўнае
Усе навіны →