Міхаіл Карасёў
Мужчыну затрымалі 2 сакавіка 2022 года.
У той дзень у дом да яго прыйшлі двое асоб у цывільным, якія папрасілі прайсці з імі жонку мужчыны. Міхаіл спрасонку вырашыў, што гэта злодзеі (тым больш у горадзе акурат папярэджвалі, што арудуюць бандыты, якія прадстаўляцца міліцыянтамі), завёў бензапілу і выгнаў іх.
А праз дзесяць хвілін пасля гэтага да іх прыехаў міліцэйскі нарад.
Чытайце падрабязней: Малады шматдзетны бацька бензапілой выгнаў з дома асоб у цывільным, якія прыйшлі па яго жонку. У выніку пасадзілі яго
Мужчыне прад'явілі абвінавачванні па 364 артыкуле Крымінальнага кодэкса («Гвалт або пагроза прымянення гвалту ў дачыненні да супрацоўніка органаў унутраных спраў»).
Як вядома «Нашай Ніве», «дзве асобы ў цывільным», якія прыйшлі тады ў дом мужчыны па яго жонку, запатрабавалі матэрыяльную кампенсацыю. Жонка Карасёва заплаціла ім 1000 рублёў на дваіх.
На судзе адзін з «пацярпелых» расказваў, што ён цяпер баіцца заходзіць у чужыя дамы.
Таксама следчы па справе не палічыў патрэбным далучыць да справы доказы таго, што ў горадзе дзейнічаюць злодзеі. Словы адваката Міхаіла пра гэта суд не прыняў да ўвагі.
Мужчыну далі 2 гады ўзмоцненага рэжыму.
У Міхаіла Карасёва чацвёра дзяцей, мужчына працаваў на Рэчыцкім метызным заводзе машыністам крана.
Яго жонка апошні час была ў дэкрэце, сям’я знаходзіцца ў цяжкім фінансавам становішчы.
Да ўступлення пастановы суда ў законную сілу мужчына будзе знаходзіцца ў гомельскім СІЗА №3.
Чытайце таксама:
20-гадовую «тэрарыстку» Дануту Пярэдня асудзілі да 6,5 гадоў калоніі
