Азербайджан з Турцыяй выкарыстоўваюць па поўнай праграме ўкраінскі правал Расіі, Арменія расплачваецца за стаўку на Маскву
Армяне баяцца, што Азербайджан і Турцыя вырашылі прабіць сухапутны калідор у так званым Зангезуры.
Уначы з 12 на 13 верасня Азербайджан пачаў абстрэльваць армянскія пазіцыі каля населеных пунктаў Гарыс, Сотк і Джэрмук, гэта поўдзень Арменіі, з артылерыі і «Байрактараў».
У Баку ж заяўляюць, што яны проста адказваюць на дыверсіі на мяжы.
У Арменіі гараць казармы і склады.
Армяне і азербайджанцы ваююць даўно. Новае ў сённяшніх падзеях тое, што баі ўпершыню ідуць не на тэрыторыі Нагорнага Карабаха, які паводле міжнароднага права з'яўляецца часткай Азербайджана, хоць часткова і кантралюецца Арменіяй ужо тры дзясяткі гадоў, а на міжнародна прызнанай армянскай тэрыторыі.
Армяне баяцца, што Азербайджан і Турцыя вырашылі прабіць сухапутны калідор у так званым Зангезуры. Гэтыя маляўнічыя горы ў Арменіі аддзяляюць ад Азербайджана яе частку, Нахічэвань.
Расія мае ў Арменіі вайсковую базу і нават межы краіны ахоўваюць расійскія памежнікі. Але расійскія войскі цяпер як трышкін кафтан. Шайгу і Герасімаў перакідваюць свае рэдкія рэзервы з Данбаса пад Херсон і назад.
Вось чаму сёння ўначы прэм'ер-міністр Арменіі Нікол Пашынян тэлефанаваў не толькі прэзідэнту Расіі Уладзіміру Пуціну, але таксама прэзідэнту Францыі Эманюэлю Макрону.
Толькі Макрон не мае ўплыву на Турцыю, туркі самадастатковыя ў ваенным плане. А Азербайджан — блізкі саюзнік Турцыі, яны лічаць сябе братнімі народамі. І Францыя, і ЗША будуць угаворваць Анкару і Баку спыніцца, але ці паслухаюць тыя?
Арменія ўваходзіць у Арганізацыю дамовы аб калектыўнай бяспецы нароўні з Беларуссю, Расіяй, Казахстанам, Кыргызстанам, Таджыкістанам і Узбекістанам. У адпаведнасці з умовамі дамовы іншыя члены арганізацыі павінны прыходзіць на дапамогу, калі нехта нападзе на Арменію. Але АДКБ заўсёды было як лебедзь, шчупак і рак, кожны са сваімі інтарэсамі. Адзіны раз, калі краіны АДКБ дзейнічалі зладжана, было ў Казахстане ўзімку. Дык там быў шкурны інтарэс дыктатараў, а Арменія — акурат адзіная дэмакратычная краіна ў тым АДКБ. Парадаксальна будзе, калі за Арменію ўступіцца не АДКБ, а Іран, які мае свае інтарэсы.
Арменія плаціць страшную цану за тое, што апошні час падтрымлівала Расію. Цяпер, калі Расія завязла ва Украіне, у Масквы проста няма сілаў, каб абараніць сваю каўказскую саюзніцу. І гэта толькі першы званочак таго, як аслабіла Расія свае пазіцыі ў свеце ганебнай агрэсіяй супраць Украіны.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары
Про це повідомляє азербайджанське видання Caliber.
"Будемо спостерігати, як цієї домовлености буде дотримуватися противник. У світлі численних провокацій і порушень Вірменією досягнутих угод у минулому, шанси дуже крихкі", – зазначає видання.