На дырэктарку прыватнай школы, дзе атрымала раненне вучаніца, завялі крымінальную справу
Галоўным следчым упраўленнем распачатая крымінальная справа ў дачыненні да дырэктаркі «Смарт Скул», дзе раненне атрымала вучаніца. Праводзяцца следчыя дзеянні.
Паводле звестак следства, 15 верасня ў Мінску ў памяшканні прыватнай установы адукацыі «Сярэдняя школа «Смарт Скул» прычыненыя цялесныя пашкоджанні школьніцы.
Следчы камітэт зазначае, што 54-гадовы кіраўнік і іншыя супрацоўнікі ўстановы ўсяляк спрабавалі схаваць інцыдэнт, не гарантавалі бяспеку правядзення заняткаў і кантроль за паводзінамі выхаванцаў.
Дзеянні дырэктаркі следствам кваліфікаваныя паводле ч. 2 арт. 424 КК (злоўжыванне службовымі паўнамоцтвамі). З удзелам падазраванай праводзяцца следчыя дзеянні, дапытваюць сведак і відавочцаў, паведамляе СК.
Сёння гэты выпадак пракаментаваў на нарадзе з дзяржсакратаром Рады бяспекі Аляксандрам Вальфовічам Лукашэнка. Паводле яго слоў, стралялі з цацачнага пісталета гумовымі шарыкамі, якія трапілі ў вока.
«Не нейкі там траўматычны, як яны пішуць, пісталет. Гэта быў дзіцячы пісталет з гумовымі так званымі шарыкамі гэтымі. Ён трапіў дзяўчынцы ў вока. Яна была ў акулярах. Разбіў шкло і пашкодзіў вока. З гэтага зрабілі надзвычайшчыну. Я даручыў разабрацца», — сказаў Аляксандр Лукашэнка.
Чытайце таксама:
«Антыдзяржаўная клаака». Лукашэнка загадаў увесці ліцэнзаванне ў адукацыі
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары