«Антыдзяржаўная клаака». Лукашэнка загадаў увесці ліцэнзаванне ў адукацыі
«Я даручыў неадкладна ўвесці ліцэнзаванне, з учарашняга дня», — заявіў Аляксандр Лукашэнка на сустрэчы з Аляксандрам Вальфовічам.
На сустрэчы з дзяржаўным сакратаром Рады бяспекі Аляксандрам Вальфовічам Лукашэнка пракаментаваў выпадак у прыватнай школе, дзе вучань стрэліў іншай школьніцы ў твар.
«Не нейкі там траўматычны, як яны пішуць, пісталет. Гэта быў дзіцячы пісталет з гумовымі так званымі шарыкамі гэтымі. Ён трапіў дзяўчынцы ў вока. Яна была ў акулярах. Разбіў шкло і пашкодзіў вока. З гэтага зрабілі надзвычайшчыну. Я даручыў разабрацца», — адзначыў Аляксандр Лукашэнка.
Гаворачы аб інцыдэнце са стральбой з дзіцячага пісталета, Лукашэнка сказаў, што справа нават не ў гэтай дробязі, хоць і гэта важна. Па яго словах, у выніку выявіліся больш маштабныя пытанні і праблемы.
«Аказваецца, у гэтай школе ажно 26 вучняў. Па-мойму, так мне міністр унутраных спраў далажыў. Прыватная школа. Адкуль, якая, што гэта за школа — 26 вучняў. Пачалі разбірацца — яна зарэгістраваная на тэрыторыі прыватнага нейкага прадпрыемства, якое ні чорта не робіць паводле статуту. Напэўна, чакаюць, каб гэтую зямельку прыкарманіць і пабудаваць там жыллё. А месца зручнае. Потым прадаць можна добра. Увогуле, ёсць пытанні».
«Таму трэба зачысціць ўсе да немагчымасці ў сістэме адукацыі» — сказаў Лукашэнка.
Чытайце таксама:
Англійская штодня і пяціразовае харчаванне. Што прапануюць прыватныя школы і колькі там каштуе навучанне?
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары