«Па кватэрах, па нумарах»: беларускім сілавікам далі ўказанне адсочваць расіян, якія хаваюцца ад мабілізацыі
Як стала вядома «Нашай Ніве», сілавікі атрымалі ўказанні адносна таго, як дзейнічаць з расіянамі, якія едуць у Беларусь хавацца ад мабілізацыі.
Пасля абвяшчэння «частковай» мабілізацыі ў Расіі, расіяне прызыўных параметраў спрабуюць пакінуць краіну.
У сацсетках шмат фота і відэа чэргаў на межах Расіі з Фінляндыяй, Манголіяй, Казахстанам.
Адзін з варыянтаў — Беларусь. З Расіяй няма граніцы, расійскія законы не дзейнічаюць, іншая краіна. Аднак варта ўлічваць, што Беларусь на сёння падкантрольная Расіі дзяржава.
Як стала вядома «Нашай Ніве» з сілавых структур, ужо ўчора, 21 верасня, беларускія сілавікі атрымалі вуснае распараджэнне ідэнтыфікаваць расіян, якія прыехалі схавацца ад мабілізацыі.
«Пакуль што на ўзроўні вусных распараджэнняў даведзена назіраць за «кватэрамі на суткі», уваходзіць у кантакт з уласнікамі жылля, — сказаў нам аператыўнік. — Новыя машыны ў дварах з расійскімі нумарамі таксама загадалі адсочваць. Збіраць інфармацыю, правяраць дакументы».
На думку сілавікоў, Беларусь дазволіць расіянам хавацца ад удзелу ў вайне?
«Мне здаецца, што будзем выдаваць. Агульная сістэма штрафаў то наладжана, а злавіць «укланіста» — плёвая задача», — кажа афіцэр.
Прэзідэнт Расіі Уладзімір Пуцін абвесціў аб правядзенні мабілізацыі 21 верасня. Гэта адбылося пасля таго, як украінскія войскі ў пачатку месяца імклівым наступам вызвалілі Харкаўскую вобласць і пацяснілі расіян пад Херсонам. Ініцыятыва застаецца ў руках украінскай арміі. Украінцы наступаюць пад Ліманам, ад Купянска ў кірунку на Сватава і праз Белагораўку ў кірунку Лісічанска. Расійскія франтавыя карэспандэнты прадказваюць таксама ўкраінскі ўдар пад Запарожжам і каля Данецка. А ў раёне Давыдавага Броду і Андрэеўкі ўкраінскія войскі ад Дняпра аддзяляе толькі 10—15 кіламетраў.
Чытайце таксама: Расійскі афіцэр расказаў, як развівалася ўкраінская аперацыя пад Ізюмам. Ëн не разумее, чаму ўкраінцы не захацелі замкнуць акружэнне
Мы ўступаем у момант слабасці Расіі. Дзевяць высноў з вайны ва Украіне для беларусаў
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары
А когда приглашают позиговать в украинский окоп, то надо тикать.
Показательно, вместо того, чтобы, что-то поменять в России в лучшую сторону, они тикают из неё.
Поэтому была Россия в грязи и неустроенности, в ней и останется, добавив ещё фашистскую грязь.
Власти России мало грязи в ней, лезут и тянут эту грязь к соседям.