Пракуратура Мінска санкцыянавала змяшчэнне пад варту службовай асобы сеткі крам «Суседзі», у дачыненні да якой заведзена крымінальная справа з-за павышэння цэн, з улікам абставінаў і асобы падазраванага.
Паведамляецца, што дырэктар арганізацыі ведаў пра патрабаванні дырэктывы аб недапушчэнні павышэння цэн, але не прыняў належных і своечасовых мер па недапушчэнні іх росту. Гэта прывяло да пераацэнкі цэн тавараў у 100 крамах сеткі і росту рознічных цэн на не менш як 65 асартыментных пазіцый.
Павышэннем цэн сетка крам «Суседзі» зрабіла істотную шкоду правам і законным інтарэсам не менш як тысячы грамадзян, якія набылі гэтыя тавары па завышаным кошце, а таксама дзяржаўным і грамадскім інтарэсам, гаворыцца ў паведамленні Генпракуратуры.
Распачата справа па ч. 2 арт. 425 (Бяздзейнасць службовай асобы) Крымінальнага кодэкса. Максімальны тэрмін пакарання па артыкуле — да пяці гадоў пазбаўлення волі.
Абранне гэтай меры зроблена з улікам абставінаў зробленага, інфармацыі пра асобу падазраванага. Зараз па крымінальнай справе праводзяць неадкладныя следчыя і іншыя працэсуальныя дзеянні.
Чытайце таксама:
Пагром у сетцы «Суседзі»: КДК затрымаў амаль усё кіраўніцтва
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!6
Каментары