У Мінску на вуліцы Сурганава прарвала каналізацыю. Чыноўніца: Прычына ў нядобрасумленным абыходжанні з сістэмай
На вуліцы Сурганава ў Мінску ў сярэдзіне дня 30 кастрычніка прарвала каналізацыю. Па вуліцах цяклі рэкі, а ў паветры з-за гэтага стаяў непрыемны пах, паведамляў Onliner.
Як расказала мінчанка Ганна, у доме за лазняй прарвала каналізацыю. Паводле яе слоў, прыкладна з 12.30 ішлі патокі вады, і яны не памяншаліся. Вада прыбывала так хутка, што былі засцярогі, каб не заліло БНТУ, які знаходзіўся побач.
Вада з каналізацыі запоўніла некаторыя паркоўкі, дарогі, па якіх праязджаюць машыны, нязручна было перасоўвацца і пешаходам. Усё гэта суправаджадася непрыемным пахам.
На месца надзвычайнага здарэння ў 13.37 прыехалі супрацоўнікі аварыйнай службы, праз некалькі гадзін праблему ўдалося вырашыць. Сітуацыю пракаментавала Наталля Ананіч, намеснік кіраўніка адміністрацыі Савецкага раёна:
«Па папярэдніх звестках, прычынай паслужыла нядобрасумленнае абыходжанне з каналізацыйнай сістэмай саміх жыхароў раёна. У прыватнасці, аварыйная брыгада выняла камяк з ануч даўжынёй каля 1,5 метра.
Па стане на 16.00 нармальная праца каналізацыі адноўленая, спецыялісты заняліся ліквідацыяй наступстваў — ачысткай вуліцы, выдаленнем лішняй вады і бруду».
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары