U Minsku na vulicy Surhanava prarvała kanalizacyju. Čynoŭnica: Pryčyna ŭ niadobrasumlennym abychodžańni ź sistemaj
Na vulicy Surhanava ŭ Minsku ŭ siaredzinie dnia 30 kastryčnika prarvała kanalizacyju. Pa vulicach ciakli reki, a ŭ pavietry z-za hetaha stajaŭ niepryjemny pach, paviedamlaŭ Onliner.
Jak raskazała minčanka Hanna, u domie za łaźniaj prarvała kanalizacyju. Pavodle jaje słoŭ, prykładna z 12.30 išli patoki vady, i jany nie pamianšalisia. Vada prybyvała tak chutka, što byli zaściarohi, kab nie zaliło BNTU, jaki znachodziŭsia pobač.
Vada z kanalizacyi zapoŭniła niekatoryja parkoŭki, darohi, pa jakich prajazdžajuć mašyny, niazručna było pierasoŭvacca i piešachodam. Usio heta supravadžadasia niepryjemnym pacham.
Na miesca nadzvyčajnaha zdareńnia ŭ 13.37 pryjechali supracoŭniki avaryjnaj słužby, praź niekalki hadzin prablemu ŭdałosia vyrašyć. Situacyju prakamientavała Natalla Ananič, namieśnik kiraŭnika administracyi Savieckaha rajona:
«Pa papiarednich źviestkach, pryčynaj pasłužyła niadobrasumlennaje abychodžańnie z kanalizacyjnaj sistemaj samich žycharoŭ rajona. U pryvatnaści, avaryjnaja bryhada vyniała kamiak z anuč daŭžynioj kala 1,5 mietra.
Pa stanie na 16.00 narmalnaja praca kanalizacyi adnoŭlenaja, śpiecyjalisty zanialisia likvidacyjaj nastupstvaŭ — ačystkaj vulicy, vydaleńniem lišniaj vady i brudu».
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary