Культура11

Жаўнеры УСУ запісалі песню «Вуліца Жызнеўскага» на беларускай і ўкраінскай мовах

Уладзімір Някрасаў, лідар украінскага гурта «Батьківський комітет», выдаў новую песню «Вуліца Жызнеўскага» на беларускай і украінскай мовах. Праца над песняй пачыналася разам з асноўным складам гурта, але з-за вайны была завершаная з пабрацімамі Уладзіміра па службе ва УСУ. Тэкст, засяроджаны на памяці, на абедзвюх мовах напісаў паэт Алесь Плотка, а чатыры апошнія радкі, погляд у будучыню, дадаў сам Уладзімір Някрасаў, піша «Будзьма».

Уладзімір Някрасаў — прафесійны музыка па адукацыі і па прафесіі. Бацька траіх дзяцей, зараз служыць ва УСУ у Асобнай Прэзідэнцкай брыгадзе імя Багдана Хмяльніцкага ў званні малодшага сяржанта.

Каментуе выканаўца: 

«Для мяне гэта песня пра Беларусь і Украіну будучыні, пра краіны, якія аб’ядноўвае агульная барацьба за свабоду і любоў да роднага краю. Я ўпэўнены, што перамога Украіны ў гэтай вайне — гэта вялікі камень у падмурак свабоды і незалежнасці дэмакратычнай Беларусі. Шчыра веру ў саюз краінаў Міжмор’я — Украіны, Беларусі, Польшчы і Літвы, лічу, што беларусы — самая блізкая украінцам нацыя па мове, культуры і барацьбе супраць маскоўскага панавання».

У відэарадзе да песні можна ўбачыць памятную дошку загінулым беларусам, якая знаходзіцца на вуліцы Беларускай у Кіеве. На гэты момант яна завешаная тканінай праз контраверсійныя стасункі паміж нацыямі і зразумелае сацыяльнае напружанне.

Міхаіл Жызнеўскі — гомелец, герой Украіны, адна з першых ахвяраў Еўрамайдана разам з украінскім армянінам Сяргеем Нігаянам. Песня яго памяці стваралася сёлета вясной-летам, а паралельна з гэтым у чэрвені 2022-га ў горадзе Наваград-Валынскі з’явілася вуліца, названая ягоным іменем.

Каментары1

  • Быхаўскі замак
    01.11.2022
    Дзякуй, сябры! Жыве Беларусь і Слава Украіне!

Цяпер чытаюць

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска1

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска

Галоўнае
Усе навіны →

Заўвага:

 

 

 

 

Закрыць Паведаміць