Жодзінскі міліцыянт, які ўдарыў жанчыну на пратэсце ў 2020 годзе, адсудзіў у чэрыкаўскага таксіста 1000 рублёў
У такую суму маёр міліцыі з Жодзіна Мікалай Бараноўскі ацаніў свае маральныя пакуты ад каментара жыхара Чэрыкава Дзмітрыя Іванова. Яго раённы суд прызнаў вінаватым у абразе службовай асобы і пакараў на 1,5 гада «хатняй хіміі». На працэсе зняволены не мог сядзець праз болі ў нырках. У дзень агучвання выраку ў Іванова нарадзіўся сын.
Чэрыкаў — гарадок на самым усходзе краіны. У 2020 годзе там таксама актыўна пратэставалі людзі. Дзмітрый Іваноў, прадпрымальнік і таксіст, быў адным з такіх. Некалькі разоў яго затрымлівалі, штрафавалі, кідалі «на суткі». Сёлета 22 верасня ён быў схоплены амапаўцамі на адной з аўтамабільных стаянак у райцэнтры.
Пасля затрымання таксіста завезлі за тры сотні кіламетраў у Жодзіна, а адтуль на суд даставілі зноў у Чэрыкаў.
Пакрыўджаны ім міліцыянт Мікалай Бараноўскі праславіўся тым, што ўдарыў жанчыну на пратэсце ў верасні 2020 года. Яна падала заяву ў Следчы камітэт па факце прымянення сілы супрацоўнікам міліцыі.
Інцыдэнт скончыўся апраўданнем міліцыянта, у дзеяннях якога следчыя не ўгледзелі прыкметаў «перавышэння ўлады ці службовых паўнамоцтваў», а гвалт у адносінах да жанчыны быў расцэнены, як паводзіны «ва ўмовах абгрунтаванай прафесійнай рызыкі або крайняй неабходнасці».
1 лістапада Бараноўскі адсудзіў 1000 рублёў маральнай шкоды ў Дзмітрыя Іванова. Міліцыянт палічыў сябе абражаным яго каментаром у сацыяльных сетках.
Як стала вядома «Нашай Ніве», на судовым працэсе Іваноў не мог сядзець, патлумачыўшы, што ў яго баляць ныркі.
На працэсе Дзмітрый Іваноў цалкам прызнаў віну і выбачыўся перад міліцыянтам. Кампенсацыю маральнай шкоды аплаціў яму да суда.
Вырак прадпрымальніку суддзя Алена Цыркунова агучыла 1 лістапада. Яму прысудзілі 1,5 гады абмежавання волі без накіравання ва ўстанову адкрытага тыпу. Пракурор прасіў суд пакараць абвінавачанага двума гадамі пазбаўлення волі.
Прадпрымальніка вызвалілі з-пад варты ў залі суда. 1 лістапада, як паведаміла суддзя, у Іванова нарадзіўся сын.
«Трымаўся да апошняга». Жыхары Чэрыкава пра затрыманага за «палітыку» земляка
-
«Нацыянальная ідэнтычнасць — найважнейшы інструмент супраціву рускаму міру»: Ціханоўская выступіла на Форуме імя Касцюшкі
-
Шукаюць намесніка ідэолага Брэсцкай вобласці. Прафесійныя патрабаванні сціплыя, а заробак кучаравейшы, чым у Мінску
-
Праваабаронцы паведамілі пра 30 ператрусаў у сваякоў эмігрантаў
Цяпер чытаюць
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?2
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары