Прадстаўнік «Мемарыяла» ў нобелеўскай прамове назваў вайну супраць Украіны «вар’яцкай, злачыннай і захопніцкай»
Пра расійскую імперскасць і беспакаранасць гаварыў у сваёй нобелеўскай лекцыі Ян Рачынскі, прадстаўнік расійскай праваабарончай арганізацыі «Мемарыял». Сёння ў Осла ўручылі Нобелеўскую прэмію міру.
«Адно з відавочных наступстваў сакралізацыі дзяржавы — адраджэнне імперскіх амбіцый… Іншы вынік — беспакаранасць не толькі тых, хто прымае злачынныя палітычныя рашэнні, але і тых, хто здзяйсняе злачынствы пры іх выкананні. Беспакаранымі і нават не расследаванымі застаюцца бяссудныя пакаранні, забойствы мірных жыхароў, катаванні і марадзёрства. Мы бачылі гэта ў ваенных дзеяннях у Чачэніі, мы бачым гэта і сёння на захопленай тэрыторыі Украіны. Пасля бамбёжак Грознага знішчэнне Марыупаля не стала чымсьці прынцыпова новым», — адзначыў Рачынскі.
«Барацьба … з бандэраўшчынай стала абгрунтаваннем вар’яцкай, злачыннай і захопніцкай вайны супраць Украіны. Адной з першых ахвяр гэтага вар’яцтва стала гістарычная памяць у самой Расіі», — сказаў прадстаўнік «Мемарыяла».
Ëн заявіў, што пуцінскі рэжым «скарэжыў» гістарычную памяць расіян, памяняў месцамі паняцці «фашызм» і «антыфашызм». Цяпер расійскія мас-медыя называюць антыфашызмам уварванне ў суседнюю краіну, якая не давала для гэтага ніякіх падстаў, анексію захопленых тэрыторый, тэрор супраць мірных жыхароў захопленых тэрыторый», — сказаў прадстаўнік «Мемарыяла».
Чытайце таксама:
«Дабро і праўда павінны ўмець абараняць сябе». Нобелеўская прамова Алеся Бяляцкага ПОЎНЫ ТЭКСТ
Украінская лаўрэатка Нобеля: Мы маем стварыць міжнародны трыбунал і прыцягнуць Пуціна, Лукашэнку ды іншых ваенных злачынцаў да адказнасц
Памілаваныя 15 чалавек, сярод якіх 13 палітвязняў15
Каментары