Больш за два тыдні Свят знаходзіўся ў сацыяльным прытулку, куды яго змясцілі пасля затрымання экс-журналісткі Ларысы Шчыраковай. Тата Свята прыляцеў у Беларусь і сабраў неабходныя дакументы, каб забраць яго з прытулку, паведаміла выданне «Штодзень».
Экс-журналістка Ларыса Шчыракова знаходзіцца ў СІЗА. Яе абвінавачваюць паводле артыкула 369-1 КК «Дыскрэдытацыя Рэспублікі Беларусь».
Затрымалі Шчыракову ўвечары 6 снежня, а яе сына змясцілі ў прытулак.
Тата Святаслава апошнія гады жыў у расійскім Навасібірску. Ён прыляцеў, каб забраць сына, бо іншым сваякам яго не аддавалі. Пакуль сын і тата будуць жыць у Гомелі.
Каментары