Завод «Штадлер Мінск» зноў можа пачаць пастаўляць вагоны для Мінскага метрапалітэна. Пра гэта заявіла старшыня Савета Рэспублікі Наталля Качанава падчас наведвання прадпрыемства, піша БелТА.

Паводле слоў чыноўніцы, у «Штадлера» ёсць усе неабходныя кампетэнцыі для вытворчасці вагонаў метро. Магчымасці іншага прадпрыемства — «Белкамунмаш» — таксама вывучалі, але высветлілася, што пакуль яно не валодае адпаведнымі тэхналогіямі і навыкамі. Качанава нагадала, што раней «Штадлер» ужо пастаўляў вагоны для сталічнай падземкі.
Наталля Качанава высока ацаніла тэхналагічны ўзровень завода і якасць яго прадукцыі, у тым ліку трамваяў і вагонаў. Паводле яе слоў, прадпрыемства мае добры партфель заказаў і працуе на экспарт. У прыватнасці, цяпер яно выконвае заказ для Казахстана.

У канцы кастрычніка Аляксандр Лукашэнка раскрытыкаваў працу «Штадлера», заявіўшы, што прадпрыемства не дае чаканых вынікаў. Паводле яго слоў, абяцанні ўласнікаў стварыць беларускі цягнік да стадыі вытворчасці не былі рэалізаваныя, а вытворчыя магутнасці завода загружаныя далёка не цалкам. Ён даручыў Камітэту дзяржаўнага кантролю праверыць сітуацыю і ацаніць ролю Беларускай чыгункі як спажыўца прадукцыі завода.
Кампанія Stadler працуе ў Беларусі з 2014 года. Пасля ўвядзення санкцый у 2022‑м вытворчасць цягніковых саставаў на заводзе ў Фаніпалі спынілася. Швейцарская кампанія па-ранейшаму валодае ўсімі акцыямі беларускага прадпрыемства і падтрымлівае яго, разлічваючы аднавіць працу пасля зняцця санкцый. У 2024 годзе беларускія ўлады паведамлялі пра магчымасць прыходу на завод расійскіх інвестараў, але пра канкрэтныя крокі ў гэтым кірунку пакуль не паведамлялася.
«Можа, прыведзяце цягнікі ў парадак?» Беларусы скардзяцца на паломкі «Штадлераў» пасля іх вяртання на маршруты
Беларуская чыгунка збіраецца замовіць у Stadler 65 цягнікоў. Але швейцарцы казалі, што завод у Фаніпалі стаіць без працы
У карпарацыі Stadler расказалі, якая сітуацыя з яе заводам у Беларусі
«Штадлер» не мае намеру прадаваць завод у Фаніпалі. Хоць беларускія чыноўнікі сцвярджалі іншае
Якія вагоны паставяць у мінскае метро замест штадлераўскіх ФОТА
Цяпер чытаюць
Праектавалі кароўнікі і акумулятарны завод, а цяпер узяліся за барока. З велічнага езуіцкага калегіума ў Пінску збіраюцца збіць увесь тынк — а ён быў распісаны фрэскамі
Каментары