Каханне і сэкс

Tinder будзе падказваць, як пазбегнуць «рамантычнага» махлярства

Match Group, мацярынская кампанія праграм для знаёмстваў Tinder, Hinge, Match, Plenty of Fish, Meetic і OurTime, абвясціла пра запуск кампаніі па апавяшчэнні (унутры дадаткаў і па электроннай пошце) аб махлярстве. У яе рамках карыстальнікам таксама дадуць парады, як прадухіліць падман у інтэрнэце.

Фота: сацыяльныя сеткі

Tinder і французскі дадатак Meetic будуць даваць карыстальнікам падказкі з парадамі і тыповымі паводзінамі, на якія варта звярнуць увагу. Прапановы ўключаюць праверку сапраўднасці выявы профілю патэнцыйнага кандыдата (ці кандыдаткі), відэачат з імі напярэдадні асабістай сустрэчы і навучанне распазнаванню «чырвоных сцяжкоў», па якіх можна вызначыць меркаваных ашуканцаў.

Выява: Match Group / Tinder

Тым часам Match, Hinge, Plenty of Fish і OurTime будуць рассылаць карыстальнікам электронныя лісты і апавяшчэнні з аднолькавымі парадамі, звязанымі з махлярствам. З сённяшняга дня глабальная інфармацыйная кампанія пачнецца ў больш чым 15 краінах, у тым ліку ў ЗША, Канадзе, Вялікабрытаніі, Індыі, Аўстраліі, Японіі, Германіі, Францыі, Іспаніі і Італіі. Яна працягнецца ўвесь студзень, але кампанія Match Group паведаміла выданню TechCrunch, што будзе працягваць і далей перыядычна адпраўляць паведамленні карыстальнікам.

«Ашуканцы часта гуляюць у доўгую гульню, — кажа Бадзі Луміс, старшы дырэктар па аперацыях і расследаваннях праваахоўных органаў у Match Group. — Яны сапраўды хочуць заваяваць упэўненасць і давер ахвяры, і яны будуць праводзіць у размовах з ёй шмат часу… Так ашуканцы будуюць адносіны з гэтым чалавекам і прымушаюць яго адчуваць сябе ў бяспецы. [Затым] яны папросяць грошы на медыцынскі рахунак дзіцяці, візу або білет на самалёт».

Яшчэ адзін «чырвоны сцяжок» — калі махляр хоча пагутарыць праз староннія платформы, што звычайна азначае, што ён хоча пагутарыць у дадатку, які не так мадэруецца. Кампанія Match Group нядаўна запусціла ў сваіх праграмах функцыю, якая адпраўляе карыстальнікам усплываючыя паведамленні з парадамі па бяспецы, калі ў размове сустракаюцца пэўныя словы.

Выява: Match Group / Tinder

Усё больш і больш людзей, якія дамаўляюцца пра спатканне ў інтэрнэце, становяцца ахвярамі «рамантычных» ашуканцаў. У 2021 годзе Федэральная гандлёвая камісія ЗША паведаміла, што спажыўцы страцілі ашаламляльныя 547 мільёнаў долараў такім чынам. Пры гэтым прадстаўнік Match Group адзначае, што лічбы значна заніжаныя. Match Group заклікае карыстальнікаў паведамляць пра інцыдэнты на платформе, якую яны выкарыстоўваюць, а таксама звяртацца ў мясцовыя праваахоўныя органы.

Новая кампанія па бяспецы знаёмстваў прайшла амаль праз год пасля таго, як Netflix выпусціў The Tinder Swindler — крымінальны дакументальны фільм пра ізраільскага аферыста Саймана Леваева, які падманваў жанчын у дадатку для знаёмстваў, каб тыя дасылалі яму грошы. Такім чынам, з моманту прэм'еры дакументальнага фільма ў лютым 2022 года Tinder працягвае запускаць усё новыя функцыі бяспекі.

Каментары

Папулярны польскі трэвэл-блогер расказаў пра сваю паездку ў Беларусь і даў парады7

Папулярны польскі трэвэл-блогер расказаў пра сваю паездку ў Беларусь і даў парады

Усе навіны →
Усе навіны

Расіянін сярод белага дня зладзіў дрыфт на праспекце Пераможцаў. ДАІ яго знайшла і прымусіла выбачацца2

«Фактар ​​Свіфт». Амерыканская грамадскасць чакае заявы Тэйлар Свіфт наконт Байдэна4

YouTube у Расіі могуць заблакаваць у верасні, пішуць СМІ. У Крамлі называюць гэта няпраўдай4

У цэнтры Мінска грузавік захрас пад мостам — кіроўца не ацаніў вышыні грузу1

Белгідрамет упершыню сёлета абвясціў максімальны чырвоны ўзровень небяспекі

Абраннік Маргарыты Ляўчук расказаў, як пазнаёміўся з ёй і даведаўся пра дзіця10

«Няўжо мы, вернікі Беларусі, заслужылі такое пакаранне?» Парафія зачыненага Чырвонага касцёла звярнулася да Наталлі Пяткевіч5

КР падпісала мемарандум з украінскім фондам, заснавальнік якога праславіўся фразай «украінцы заслужылі вайну»30

Бондарава назвала Дзерманта «патлатым хлопчыкам», які «праявіў свой латэнтны гомасэксуалізм»15

больш чытаных навін
больш лайканых навін

Папулярны польскі трэвэл-блогер расказаў пра сваю паездку ў Беларусь і даў парады7

Папулярны польскі трэвэл-блогер расказаў пра сваю паездку ў Беларусь і даў парады

Галоўнае
Усе навіны →