У БДУІР могуць адправіць студэнтаў вучыцца за мяжу. Пералік краін уражвае
З 25 студзеня па 15 лютага ў Беларускім дзяржаўным універсітэце інфарматыкі і радыёэлектронікі прымаюць заяўкі на навучанне за мяжой у наступным навучальным годзе. Конкурс праводзяць у рамках рэалізацыі міжнародных дагавораў Беларусі аб супрацоўніцтве ў сферы адукацыі, піша «Беларусь сегодня».
Афіцыйнае выданне з гонарам пералічвае краіны, у якія ўніверсітэт гатовы накіраваць сваіх студэнтаў для атрымання больш высокай кваліфікацыі:
Рэспубліка Казахстан, Кыргызская Рэспубліка, Рэспубліка Таджыкістан, Туркменістан, Сацыялістычная Рэспубліка В'етнам, Манголія, Рэспубліка Малдова, Сірыйская Арабская Рэспубліка, Арабская Рэспубліка Егіпет.
Пры гэтым за шчаслівы білет трэба пазмагацца, паехаць атрымліваць «айцішную» адукацыю ў Туркменістане ці Сірыі могуць толькі найлепшыя:
«Прыняць удзел могуць навучэнцы БДУІР, якія маюць высокія вынікі навучання (сярэдні бал паспяховасці не ніжэйшы за 7 балаў) і імкненне працаваць у сферы ІКТ, якія не маюць акадэмічных, фінансавых запазычанасцяў і дысцыплінарных спагнанняў, а таксама адпавядаюць усім умовам, устаноўленым праграмай», — тлумачыць прэс-служба ўніверсітэта.
-
Беларус пасля смерці жонкі застаўся адзін з дзецьмі. Іх у яго 12, але ён добра дае рады
-
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы
-
Яшчэ каля 400 гектараў зямлі на Гомельшчыне больш не лічацца радыеактыўнымі
Каментары