Міністр замежных спраў Латвіі Марыс Рыекстыньш 3 лістапада наведае з працоўным візітам Беларусь.
Як паведамляе прэс‑служба Міністэрства замежных спраў Латвіі, гэта першы візіт кіраўніка замежнапалітычнага ведамства ў Беларусь.
Праграма візіту прадугледжвае сустрэчы Рыекстыньша з прэзідэнтам Аляксандрам Лукашэнкам, прэм’ер‑міністрам Сяргеем Сідорскім і міністрам замежных спраў Сяргеем Мартынавым. Падчас перамоў будуць абмяркоўвацца пытанні двухбаковага супрацоўніцтва, развіцця эканамічнай кааперацыі, а таксама развіццё адносін Беларусі і Еўрасаюза.
Акрамя таго, Рыекстыньш плануе сустрэцца з прадстаўнікамі няўрадавай арганізацыі «Беларускі Хельсінкскі камітэт» і выступіць у Беларускім дзяржаўным універсітэце з лекцыяй на тэму «Усходняе партнёрства як важны інструмент развіцця адносін паміж Еўрапейскім саюзам і Беларуссю».
Як нагадвае прэс‑служба МЗС Латвіі, у красавіку 2009 года адбыўся візіт у Латвію кіраўніка знешнепалітычнага ведамства Беларусі Сяргея Мартынава.
Каго з палітвязняў могуць выпусціць пасля анонсу Лукашэнкі?3
Каго з палітвязняў могуць выпусціць пасля анонсу Лукашэнкі?
«Кадэбіст у чорных скураных пальчатках задаваў пытанні, і калі я не адказвала, пачынаў мяне душыць»11
Каментары