Як выдаліць акаўнт у Telegram і стварыць яго нанова на віртуальны нумар — пакрокавы гайд
Для таго, каб выдаліць акаўнт і стварыць яго нанова, вам трэба літаральна 10 хвілін. Распавядаем, як гэта робіцца.
Выдаленне акаўнта Telegram
Спачатку зайдзіце на сайт my.telegram.org. Там увядзіце ваш нумар і націсніце Next.
Пасля гэтага ў асабістыя паведамленні ад Telegram вам прыйдзе паведамленне з кодам такога выгляду:
Код выглядае як набор лацінскіх літар і лічбаў з улікам рэгістра. Яго трэба будзе ўвесці на сайце my.telegram.org. Пасля гэтага вы ўбачыце наступнае меню, у якім трэба націснуць Delete account.
Пасля гэтага з'явіцца наступнае вялікае паведамленне. Вам трэба націснуць у самым нізе Delete my account.
Пасля гэтага ўсплыве акно, у якім тлумачыцца, што акаўнт выдаліцца назусім, а перарэгістраваць яго на той жа нумар цягам некалькіх дзён будзе немагчыма. Трэба націснуць Yes, delete my account.
Пасля гэтага акаўнт выдаліцца і вас вылагініць з яго на ўсіх прыладах. Узнавіць яго пасля гэтага будзе немагчыма, але, як мы тлумачылі раней, гэта не азначае абсалютную бяспеку.
Стварэнне акаўнта на віртуальны нумар
Частку гэтай інфармацыі мы ўжо тлумачылі ў нашым вялікім гайдзе пра ананімныя акаўнты, але тут мы засяроджваемся на канкрэтным кейсе — стварэнні акаўнта ў тэлеграме з дапамогай надзейнага сэрвісу віртуальных нумароў.
Мы абралі сэрвіс JuicySMS, бо ён замежны і не патрабуе ніякай ідэнтыфікацыі асобы. Таксама за нумары ў ім можна плаціць крыптавалютай — і гэты спосаб вельмі рэкамендуецца, калі вы ў Беларусі. Замест яго можна абраць і іншыя сэрвісы — SMS4Sats (Onion-версія) або SMS Pool.
Спачатку трэба зарэгістравацца, і для гэтага спатрэбіцца толькі email. Вы можаце або зарэгістраваць сабе пастаянны email-адрас (гэта апісана ў нашым гайдзе па рэгістрацыі ананімных акаўнтаў) або скарыстацца сэрвісам часовых email-аў, але ў такім выпадку, калі вы забудзецеся пароль, то цалкам згубіце кантроль над акаўнтам. Рэкамендаваныя сэрвісы «аднаразовых» email — GuerillaMail і EmailOnDeck.
Пасля рэгістрацыі ўвайдзіце ў меню, якое знаходзіцца справа зверху і абярыце пункт Add funds.
Абярыце зручны для вас спосаб аплаты (з Беларусі рэкамендаваныя крыптавалюты або замежная картка). Мінімум — тры даляры.
Увайдзіце ў праграму Telegram на смартфоне — з камп'ютара зарэгістравацца немагчыма. Націсніце «Дадаць акаўнт» у меню. Прыбярыце птушачку «Сінхранізаваць кантакты».
Далей абярыце на галоўнай старонцы сэрвісу JuicySMS краіну, на нумар якой вы хочаце зарэгістраваць акаўнт. Націсніце на Telegram.
Сэрвіс выдасць вам нумар. Вярніцеся ў Telegram і ўвядзіце яго. Пасля дачакайцеся прыходу кода пацвярджэння рэгістрацыі.
Абярыце сабе імя ў акаўнце. Далей наладзьце акаўнт: увайдзіце ў налады і абярыце максімальныя налады прыватнасці.
«Наша Нiва» — бастыён беларушчыны
ПАДТРЫМАЦЬЯк зарэгістраваць ананімныя акаўнты ў Telegram, сацсетках і іншых месенджарах — падрабязны гайд
Мы адшукалі ў Telegram функцыю, якая можа быць небяспечнай для беларусаў. Вось як засцерагчы сябе і як зрабіць яе карыснай
Тэлеграм-бот «Магніт», які сілавікі ставяць затрыманым: якія звесткі ён можа збіраць і як ад гэтага абараніцца
Каментары