Распавядаем, што вядома пра Дар'ю Трэпаву, якая перадала ваеннаму прапагандысту Татарскаму залатую статуэтку
Дзяўчыну затрымалі сёння раніцай. Яна вучылася на медфаку і скардзілася, што на лекцыях яе аднагрупнікі «ўключаюць песні пуцінскіх спевакоў».
Дзяўчыне 26 гадоў, яна з Санкт-Пецярбурга. Трэпава выдатна вучылася і здала АДЭ (адзіны дзяржаўны экзамен) па рускай мове на 100 балаў.
Пасля Дар'я вучылася на медфаку Санкт-Пецярбургскага дзяржаўнага ўніверсітэта і падпрацоўвала ў Клініцы высокіх медыцынскіх тэхналогій імя Пірагова. У апошні час яна прадавала рэчы і аксэсуары праз інтэрнэт і даволі добра на гэтым зарабляла.
Трэпава прытрымлівалася антыпуцінскіх і антываенных поглядаў. Яна была зарэгістраваная на платформе «Разумнае галасаванне» Навальнага, а яшчэ падчас навучання скардзілася, што цягам лекцый яе аднагрупнікі «ўключаюць песні пуцінскіх спевакоў».
Таксама яна хадзіла на дэманстрацыі — у дзень пачатку вайны яе затрымлівалі падчас акцыі пратэсту. Яна атрымала 10 сутак арышту.
Муж дзяўчыны — лібертарыянец Дзмітрый Рылаў. У інтэрв'ю СМІ ён сказаў, што ўпэўнены, што дзяўчыну падставілі:
«Гэта поўнае трызненне. Яна была абсалютна ўпэўненая ў тым, што ў падарунку будзе знаходзіцца нейкая прылада, якая дазволіць атрымаць доступ да чалавека і наўрад ці будзе выяўленая адразу, а магчыма, ніколі. Але гэта дакладна не павінна была быць бомба».
Пасля пачатку вайны яны выехалі з Расіі і пераехалі ў Грузію, але праз паўгода дзяўчына вярнулася. Па звестках некаторых СМІ, яна на днях збіралася пакінуць Расію.
«Наша Нiва» — бастыён беларушчыны
ПАДТРЫМАЦЬУ піцерскай кавярні падарвалі прапагандыста Уладлена Татарскага. Выбухоўку, імаверна, схавалі ў падоранай залатой статуэтцы
«Усіх заб’ём, каго трэба, абрабуем. З Богам». Хто такі Уладлен Татарскі, якога падарвалі ў піцерскай кавярні
Затрымалі дзяўчыну, якую падазраюць у датычнасці да забойства Уладлена Татарскага
Цяпер чытаюць
Беларускага Сінюю Бараду адпусцілі з расійскай турмы паміраць дома2
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары