Як стала вядома «Нашай Ніве», у філіялах па ўсёй краіне адбываюцца затрыманні і звальненні.
Ваенізаваная ахова на чыгунцы — гэта асобная структура ў рамках Белчыгункі. Узброеныя і навучаныя людзі пры патрэбе ахоўваюць грузы па дарозе і на чыгуначных станцыях. Масты, пераезды.
Імаверна, многія з гэтых людзей былі задзейнічаныя пры двухбаковым руху вайсковай тэхнікі і зброі: спачатку Расія перакідвала сюды акупацыйныя сілы, потым у Беларусі сталі забіраць яе запасы зброі для папаўнення арсеналаў знясіленай баямі на ўсходзе Украіны пуцінскай арміі.
Як стала вядома «Нашай Ніве», з мінулага тыдня органы дзяржбяспекі кашмараць супрацоўнікаў ваенізаванай аховы.
Дакладнай прычыны мы не ведаем.
Арышты і звальненні адбываюцца ў філіялах па ўсёй краіне.
Так, у Баранавічах — буйным чыгуначным вузле, аточаным палігонамі і ваеннымі часцямі, — з работы вылецелі начальнік атрада і ягоны намеснік.
У атрадах Магілёўскай і Гомельскай вобласці адбыліся затрыманні — людзям малююць адміністратыўкі.
Супрацоўнікі выказваюць здагадкі, што прыйшла іх чарга, а арышты і звальненні адбываюцца па спушчаных з КДБ спісах.
Калі вам вядомыя падрабязнасці, паведамляйце асабіста тым аўтарам «Нашай Нівы», якіх ведаеце, або ў тэлеграм-акаўнт «Нашай Нівы» ў сакрэтны чат: @nn_editor.
Каму зручней на мэйл — пішыце рэдактару на мэйлы [email protected] ці [email protected].
«Наша Нiва» — бастыён беларушчыны
ПАДТРЫМАЦЬЦяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары