Вада сыходзіць: рэжым надзвычайнай сітуацыі з-за паводак пад Віцебскам знялі
Яшчэ нядаўна Дзвіна змывала дарогі і дрэвы, падступала да жылых дамоў. Мясцовыя выдыхнулі — вада пайшла на спад.
У Віцебску знялі рэжым надзвычайнай сітуацыі з-за паводак, але ў некаторых раёнах сітуацыя застаецца ўсё яшчэ напружанай. Падрабязнасці распавялі ў эфіры тэлеканала СТБ.
Максімальны ўзровень уздыму вады на Дзвіне ў Віцебску не так даўно перавышаў дзевяць метраў. Цяпер вада сышла — ужо менш за восем метраў. Рака працягвае вяртацца ў сваё рэчышча.
Праўда, складаная сітуацыя з паводкамі ўсё яшчэ захоўваецца ў Верхнядзвінскім і Полацкім раёнах.
«У асобных рэгіёнах Віцебскай вобласці застаюцца падтопленымі 7 жылых дамоў, больш за 190 гаспадарчых пабудоў, 3 масты і 17 участкаў дарог. Усім грамадзянам, у якіх падворак знаходзіўся ці яшчэ знаходзіцца ў зоне падтаплення, пры неабходнасці аказваецца неабходная дапамога», — распавяла афіцыйны прадстаўнік Віцебскага абласнога ўпраўлення МНС Соф'я Глінская.
На мінулым тыдні на Віцебшчыне сітуацыя з паводкамі была крытычнай: Дзвіна ў адным з дачных пасёлкаў размыла дарогі, забрала ў раку дрэвы і лаўкі, небяспечна блізка падышла да жылых дамоў.
З-за паводкі пад Туравам гінуць турападобныя быкі, завезеныя з-за мяжы
Каго з палітвязняў могуць выпусціць пасля анонсу Лукашэнкі?3
Каго з палітвязняў могуць выпусціць пасля анонсу Лукашэнкі?
«Кадэбіст у чорных скураных пальчатках задаваў пытанні, і калі я не адказвала, пачынаў мяне душыць»11
Каментары