Выйшаў першы фільм-біяграфія пра ўраджэнку Баранавічаў Валерыю Навадворскую. Яго можна паглядзець на ютубе
Дакументальны фільм «Белае паліто» — першая кінабіяграфія актывісткі і праваабаронцы Валерыі Навадворскай, якая нарадзілася і расла ў Баранавічах. Рэзкія словы і ацэнкі галоўнай антысаветчыцы Расіі Навадворскай наконт расійскіх улад і асабіста Уладзіміра Пуціна цяпер успрымаюцца як прароцкія.
«У нас цяпер вайсковая дыктатура, прыкрытая псеўдадэмакратыяй, якая не працуе. Не можа захавацца палітычная свабода ў краіне, якая галасуе за ваеннага злачынцу», — гаварыла Навадворская яшчэ ў 2000 годзе. Цяпер шмат хто кажа, што яна мела рацыю.
Навадворская выйшла на сваю першую акцыю супраць савецкай улады ў 19 гадоў. Яна была падвергнутая карнай псіхіятрыі. Навадворская стала сімвалам барацьбы за справядлівасць і аб'ектам кпінаў.
«Фільм «Белае паліто» даследуе не толькі прафесійны шлях Навадворскай, але і яе непублічны вобраз, які ўсе гэтыя гады заставаўся за кадрам. Яе балючыя адносіны з сям'ёй, якая не разумела і не падтрымлівала. Яе каханне. Яе жарсці — акрамя штодзённага супраціву подласці і хлусні.
Гэта карціна аб бясстрашнасці, ахвярнасці, адзіноце і аб дзіўных вяшчунствах Валерыі Навадворскай, якая прадказала дыктатуру, якая ўжо фармавалася, рэстаўрацыю савецкага ладу і вайну», — піша «Мядуза», якая і апублікавала фільм.
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары
"Рассуждая о ситуации в Беларуси, белорусской оппозиции и националистах известная советская диссидентка и правозащитница Валерия Новодворская высказала мнение, что некогда лидер белорусской оппозиции Зенон Позняк "умер" в тот день, когда "испугался за свою драгоценную жизнь и эмигрировал"
але што вам зараз да таго... вы ж не кахаеце больш яго... у 20 вы раптоўна закахаліся ў свету)
Жір, як думаеце, што б сказала Навадворская пра новае каханне ваша?)