Прэзідэнт Украіны Уладзімір Зяленскі падпісаў закон «Аб геаграфічных назвах», які тычыцца дэкаланізацыі тапаніміі і ўпарадкавання выкарыстання геаграфічных назваў у населеных пунктах Украіны. Пра гэта піша РБК-Украіна са спасылкай на сайт Вярхоўнай Рады.
Закон набудзе моц праз тры месяцы. Пасля гэтага ў дзяржаўных і вайсковых органаў будзе яшчэ шэсць месяцаў каб выдаліць з публічнага доступу расійскія сімвалы.
Гаворка ідзе пра помнікі і памятныя знакі, перайменаванне вуліц і іншых аб'ектаў. Акрамя гэтага, неабходна будзе перайменаваць населеныя пункты, у назвах якіх ёсць нейкія намёкі на Расію, яе дзеячаў або прапагандыстаў.
Таксама пад забарону падпадуць выявы, прысвечаныя расійскім і савецкім дзеячам, расійскім гарадам і заваёвам. Тыя помнікі, якія маюць мастацкую каштоўнасць, неабходна будзе перанесці ў музеі.
Пад стандарты ўкраінскай мовы неабходна будзе перайменаваць назвы населеных пунктаў. Напрыклад, немагчыма будзе захаванне назваў кшталту Акцябрск ці Южнаўкраінск.
«Прысваенне геаграфічным аб'ектам, юрыдычным асобам і аб'ектам права ўласнасці назваў, якія гларыфікуюць, увекавечваюць, прапагандуюць або ўтрымліваюць сімволіку расійскай імперскай палітыкі, а таксама назву дзяржавы-тэрарыста (дзяржавы-агрэсара) ці яе выбітных, памятных, гістарычных і культурных месцаў, населеных пунктаў, дат, падзей забараняецца», — гаворыцца ў дакуменце.
Чытайце таксама:
У Чарнігаве перайменавалі 37 вуліц і завулкаў, назвы якіх звязаныя з Расіяй і Беларуссю
-
«Арменія — гэта ўжо не абрабаваная вамі і вашымі партнёрамі краіна». Пашынян рашуча адказаў Лукашэнку
-
У праваслаўнай парафіі на поўдні Польшчы царкоўная ўрачыстасць ператварылася ва ўслаўленне Расіі. З пратэстам выступілі лемкі
-
Трамп заявіў, што з Іранам яго задаволіць толькі «ідэальная здзелка». А проста добрую ён мог бы заключыць проста зараз
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары