Па выніках першага квартала Wargaming выйшаў на першае месца па суме выплачаных падаткаў сярод ІТ-кампаній Літвы. На другім месцы ў рэйтынгу яшчэ адна кампанія з беларускімі каранямі — EPAM Sistemos, паведамляе Dev.by.
Паводле звестак Дзяржаўнай падатковай інспекцыі пры літоўскім Мінфіне, за студзень—сакавік Wargaming заплаціў у літоўскі бюджэт каля 5,2 мільёна еўра падаткаў. Гэта ў 4 разы больш, чым у першым квартале мінулага года. Тады кампанія заплаціла 1,2 мільёна еўра.
Пры гэтым за другі квартал мінулага года Wargaming заплаціў 1,1 мільёна еўра падаткаў, за трэці — 2,9 мільёна еўра, за чацвёрты — 3,3 мільёна еўра. Такім чынам, першы квартал гэтага года — рэкордны для кампаніі па выплачаных падатках з пачатку 2022 года.
У сваю чаргу, кампанія EPAM Sistemos выплаціла за першы квартал гэтага года 4 мільёны еўра падаткаў — у 4 разы больш, чым у першым квартале 2022 года.
Па выніках усяго мінулага года якраз EPAM Sistemos стала найбуйнейшым падаткаплацельшчыкам сярод літоўскіх ІТ-кампаній.
Увогуле ж, EPAM Sistemos і Wargaming Vilnius па выніках першага квартала гэтага года ўвайшлі ў топ-100 найбуйнейшых падаткаплацельшчыкаў Літвы. Дачка Wargaming апынулася на 52 месцы ў рэйтынгу, а дачка EPAM — на 70 месцы.
У топ-50 падаткаплацельшчыкаў сектара «інфармацыя і сувязь» апынуліся яшчэ тры кампаніі з беларускімі каранямі: Melsoft (1,6 мільёна еўра выплачаных падаткаў), Gurtam (0,9 мільёна еўра) і Flo (0,6 мільёна еўра).
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома10
Каментары
мажліва В.-я будзе зноў наша
как кто-то мечтал