Анатоль Ярмоленка праспяваў з расійскім прапагандыстам песню беларускага нацыяналіста ВІДЭА
У сеціве з'явілася відэа незвычайнага дуэта: народнага артыста Беларусі Анатоля Ярмоленкі і расійскага тэлевядучага Эрнэста Мацкявічуса.
Народны артыст Беларусі Анатоль Ярмоленка праспяваў дуэтам з вядучым праграмы «Вести» на канале «Расія-1» Эрнэстам Мацкявічусам, заўважыла «Камсамолка».
Яны спявалі акапэла знакамітую песню «Аксамітны вечар» беларускага барда Сержука Сокалава-Воюша, які шмат гадоў жыве ў ЗША.
54-гадовы Эрнэст, які нарадзіўся ў Вільні, старанна выводзіць сваю партыю, атрымліваецца ў яго выдатна, ледзь чуецца невялікі акцэнт.
«Выдатна, калі песні на пявучай беларускай западаюць у душу. Заўсёды рады дапамагчы ў вымаўленні … у Эрнэста Мацкявічуса выдатны музычны слых», — адзначыў у подпісе да відэа Ярмоленка.
Прыхільнікі галоўнага «сябра» з гэтым цалкам згодныя: гэтая публікацыя працягвае атрымліваць лайкі-сэрцайкі.
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары
і як там катэдж у Драздах? га? Іванавіч