У Маскве затрымалі беларуса з жонкаю за запуск у неба бела-блакітна-белага сцяга
Як паведамляюць расійскія каналы, у Маскве затрымалі мужа і жонку, якіх вінавацяць у тым, што яны запусцілі ў неба шары з бела-блакітна-белым сцягам, які лічыцца сцягам расійскай апазіцыі.
Здымак затрыманай пары публікуюць расійскія каналы
«База» піша, што затрыманыя 34-гадовы гамяльчук Дзмітрый Г. з жонкай Юліяй.
Паводле SHOT, грамадзянін Беларусі з жонкай прыехалі да сажалкі ў Паўночным Чартанаве на аўто, дасталі з багажніка шары, муж іх запусціў, а жонка здымала на тэлефон. Пасля гэтага пара хутка знікла з месца. Але іх затрымалі. Цяпер з імі працуюць сілавікі.
Сцяг быў запушчаны 22 мая над раёнам Чартанава. Відэа з акцыі запосцілі таксама ў канале Легіёна «Свабода Расіі», які ў гэты дзень пачаў дыверсійную акцыю ў Белгарадскай вобласці Расіі.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары