Кіно

Стваральнік «Чорнага люстэрка» кажа, што выкарыстаў ChatGPT, каб паспрабаваць напісаць адзін з эпізодаў серыяла

Выйшла не вельмі ўдала, але павучальна.

Кадр з новага сезона серыяла / Скрыншот YouTube-відэа

Як паведамляў Gizmodo, штучны інтэлект ужо адказны за скарачэнне як мінімум 4000 працоўных месцаў у ЗША ў маі. Падобная навіна сама па сабе гучыць як пачатак аднаго з эпізодаў «Чорнага люстэрка». На шчасце шоўранера серыяла Чарлі Брукера, ён пакуль, здаецца, у бяспецы.

15 чэрвеня адбылася прэм’ера шостага сезона папулярнай навукова-фантастычнай анталогіі. У інтэрв'ю Empire стваральнік серыяла распавёў, што гуляў з ChatGPT для сваёй уласнай працы, каб напісаць адзін з эпізодаў фільма, але вынікі аказаліся расчаравальнымі і аўтар сам назваў іх лухтой:

«Я крыху пагуляўся з ChatGPT. Першае, што я зрабіў, — гэта набраў «стварыць эпізод «Чорнага люстэрка», і ў выніку атрымалася нешта на першы погляд пераканаўчае, але на другі погляд — глупства». 

Згодна з Брукерам, усё, што зрабіў ChatGPT, — гэта знайшоў скарочаны змест усіх эпізодаў «Чорнага люстэрка» і змяшаў іх разам. І хоць на погляд шоўранера там не было ніводнай сапраўднай арыгінальнай думкі, Брукер адзначыў, што ШІ сапраўды паказаў яму некаторыя з ягоных асабістых пісьменніцкіх клішэ.

Як сведчыць эксперымент Брукера, спадзявацца толькі на штучны інтэлект для стварэння цікавага матэрыялу — глупства, прынамсі, пакуль што. Так, напрыклад, тэхнічнае выданне CNET абняславілася пасля таго, як апублікавала дзясяткі артыкулаў, напісаных пры дапамозе ШІ, поўных памылак і плагіяту. Цікава, дарэчы, што першая ж серыя новага сезона серыяла апісвае гісторыю, у якой прасунуты ШІ сам займаецца стварэннем серыяла, вельмі падобнага да «Чорнага люстэрка».

Варта адзначыць, што прызнанне Брукера выйшла ў разгар страйку галівудскіх пісьменнікаў, які працягваецца ўжо другі месяц. Гільдыя пісьменнікаў Амерыкі выступае сярод іншага за скарачэнне грашовых бонусаў кіраўнікоў Netflix, а прафсаюз у тым ліку змагаецца супраць рэвалюцыі штучнага інтэлекту ў сцэнарнай сферы. У той час, як Брукер і гільдыя прызнаюць, што ШІ можа быць інструментам для стварэння лепшага кантэнту, страйкоўцы хочуць даць зразумець студыям, што ШІ не можа разглядацца ў якасці поўнай і канчатковай замены пісьменнікаў-людзей.

Каментары

Цэнтрабанк Расіі павысіў ключавую стаўку да рэкордных 21%. Як гэта закране Беларусь?2

Цэнтрабанк Расіі павысіў ключавую стаўку да рэкордных 21%. Як гэта закране Беларусь?

Усе навіны →
Усе навіны

Пасля артыкула «Нашай Нівы» стваральнікі банкноты БРІКС размылі яе выяву. Але памылкі ўсё роўна бачныя8

Пуцін не стаў адмаўляць перакіданне войскаў КНДР у Расію5

«Калі трэба паехаць у Крым — паеду, але навошта?» Лукашэнка ўхіліўся ад пытання аб прызнанні акупаваных тэрыторый Украіны5

Make Russia small again. Зяленскі перайграў вядомы слоган Трампа32

Сяргею Лаўрову на саміце БРІКС наступілі на нагу ВІДЭА3

Лукашэнка незадаволены, што яго адправілі ў «прылазнік»8

Фігурыста, які раней выступаў за Беларусь, злавілі ў ЗША на сэксе з непаўналетняй13

Вясковец у полі наткнуўся на шкілет чалавека. Аказалася, памерлы даўно пайшоў на могілкі і не вярнуўся

Уладзімір Чудзянцоў выйшаў на свабоду і сустрэўся з Пратасевічам18

больш чытаных навін
больш лайканых навін

Цэнтрабанк Расіі павысіў ключавую стаўку да рэкордных 21%. Як гэта закране Беларусь?2

Цэнтрабанк Расіі павысіў ключавую стаўку да рэкордных 21%. Як гэта закране Беларусь?

Галоўнае
Усе навіны →