Stvaralnik «Čornaha lusterka» kaža, što vykarystaŭ ChatGPT, kab pasprabavać napisać adzin z epizodaŭ sieryjała
Vyjšła nie vielmi ŭdała, ale pavučalna.
Jak paviedamlaŭ Gizmodo, štučny intelekt užo adkazny za skaračeńnie jak minimum 4000 pracoŭnych miescaŭ u ZŠA ŭ mai. Padobnaja navina sama pa sabie hučyć jak pačatak adnaho z epizodaŭ «Čornaha lusterka». Na ščaście šoŭraniera sieryjała Čarli Brukiera, jon pakul, zdajecca, u biaśpiecy.
15 červienia adbyłasia premjera šostaha siezona papularnaj navukova-fantastyčnaj antałohii. U intervju Empire stvaralnik sieryjała raspavioŭ, što hulaŭ z ChatGPT dla svajoj ułasnaj pracy, kab napisać adzin z epizodaŭ filma, ale vyniki akazalisia rasčaravalnymi i aŭtar sam nazvaŭ ich łuchtoj:
«Ja krychu pahulaŭsia z ChatGPT. Pieršaje, što ja zrabiŭ, — heta nabraŭ «stvaryć epizod «Čornaha lusterka», i ŭ vyniku atrymałasia niešta na pieršy pohlad pierakanaŭčaje, ale na druhi pohlad — hłupstva».
Zhodna z Brukieram, usio, što zrabiŭ ChatGPT, — heta znajšoŭ skaročany źmiest usich epizodaŭ «Čornaha lusterka» i źmiašaŭ ich razam. I choć na pohlad šoŭraniera tam nie było nivodnaj sapraŭdnaj aryhinalnaj dumki, Brukier adznačyŭ, što ŠI sapraŭdy pakazaŭ jamu niekatoryja ź jahonych asabistych piśmieńnickich kliše.
Jak śviedčyć ekśpierymient Brukiera, spadziavacca tolki na štučny intelekt dla stvareńnia cikavaha materyjału — hłupstva, prynamsi, pakul što. Tak, naprykład, techničnaje vydańnie CNET abniasłaviłasia paśla taho, jak apublikavała dziasiatki artykułaŭ, napisanych pry dapamozie ŠI, poŭnych pamyłak i płahijatu. Cikava, darečy, što pieršaja ž sieryja novaha siezona sieryjała apisvaje historyju, u jakoj prasunuty ŠI sam zajmajecca stvareńniem sieryjała, vielmi padobnaha da «Čornaha lusterka».
Varta adznačyć, što pryznańnie Brukiera vyjšła ŭ razhar strajku halivudskich piśmieńnikaŭ, jaki praciahvajecca ŭžo druhi miesiac. Hildyja piśmieńnikaŭ Amieryki vystupaje siarod inšaha za skaračeńnie hrašovych bonusaŭ kiraŭnikoŭ Netflix, a prafsajuz u tym liku zmahajecca suprać revalucyi štučnaha intelektu ŭ scenarnaj śfiery. U toj čas, jak Brukier i hildyja pryznajuć, što ŠI moža być instrumientam dla stvareńnia lepšaha kantentu, strajkoŭcy chočuć dać zrazumieć studyjam, što ŠI nie moža razhladacca ŭ jakaści poŭnaj i kančatkovaj zamieny piśmieńnikaŭ-ludziej.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii20
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary