На сцяне памяці пра загінулых у расійска-ўкраінскай вайне з'явіліся партрэты беларусаў
Каля Міхайлаўскага сабора ў Кіеве знаходзіцца сцяна памяці пра загінулых у расійска-ўкраінскай вайне. Сёння на ёй з'явіліся партрэты загінулых ва Украіне беларускіх добраахвотнікаў, паведаміў у інстаграме баец-каліновец Аляксандр Клачко («Кусь»).
«Вельмі прыемна і нечакана было бачыць школьнікаў (8-ы, 9-ы, 10-ы класы) адной з кіеўскіх школ, якія разам са сваім завучам сталі аднымі з суарганізатараў і самымі галоўнымі ўдзельнікамі гэтага мерапрыемства», — напісаў Аляксандр.
Праз паветраную трывогу мерапрыемства, праўда, было перанесена на больш позні час і скарочана, але «было вельмі цікавым і каштоўным як непасрэдна ўшанаваннем памяці загінулых беларусаў, так і размовай з юнымі грамадзянамі Украіны, якія ведаюць і цікавяцца беларускімі добраахвотнікамі і матывамі нашай барацьбы».
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары